ຂະແໜງ ພາສີ ສຸມໃສ່ປະຕິບັດ 4 ໜ້າທີ່ຈຸດສຸມໃນປີ 2013
ພາບປະກອບຈາກ ອິນເຕີເນັດ
(vovworld) - ກ່າວຄຳເຫັນທີ່ການພົບປະສັງສັນຕົ້ນລະດູບານໃໝ່ຢູ່ກົມໃຫຍ່ພາສີ ໃນວັນທີ 18/2, ທ່ານຮອງນາຍົກລັດຖະມົນຕີ ຫວຽດນາມ ຫວູວັນນິນ ຕີລາຄາສູງບັນດາການປະກອບສ່ວນຂອງທົ່ວຂະແໜງການເງິນເວົ້າລວມ ແລະ ຂະແໜງພາສີເວົ້າສະເພາະ ເຂົ້າບັນດາຜົນງານ, ໝາກຜົນສຳຄັນຂອງປະເທດຊາດໃນປີ 2013. ເນື່ອງໃນໂອກາດນີ້, ຫົວໜ້າກົມໃຫຍ່ພາສີ ທ່ານ ຫງວຽນ
ງອກຕຸກ ໃຫ້ຮູ້ວ່າ: ໃນປີ 2013, ຂະແໜງພາສີ ຈະປະຕິບັດ 4 ໜ້າທີ່ຈຸດສຸມ ເຊິ່ງລວມມີ: ສ້າງຮ່າງກົດໝາຍວ່າດ້ວຍພາສີ ສະບັບປັບປຸງຕາມທິດປະຕິບັດໂດຍພື້ນຖານບັນດາມາດຕະຖານ, ທຳນຽມສາກົນເພື່ອແນໃສ່ສ້າງກອບກົດໝາຍໃຫ້ແກ່ການກໍ່ສ້າງກຳລັງພາສີຊຳນານງານ, ທັນສະໄໝ, ຍົກສູງປະສິດທິພາບ, ປະສິດທິຜົນຂອງການເຄື່ອນໄຫວ, ຜັນຂະຫຍາຍການປະຕິບັດລະບຽບການພາສີເອເລັກໂຕນິກທີ່ມີຕໍ່ສິນຄ້າສົ່ງອອກ - ນຳເຂົ້າ, ປະຕິບັດແຜນການລັດຖະບານ ກ່ຽວກັບປະຕູດຽວແຫ່ງຊາດ ແລະ ພິເສດແມ່ນວຽກງານກະກຽມໃຫ້ແກ່ຮ່າງຫັນລະບຽບການພາສີເປັນອັດຕະໂນມັດ ໂດຍ ຍີ່ປຸ່ນ ໜູນຊ່ວຍຮັບປະກັນຄຸນນະພາບ ແລະ ຖືກຕາມເວລາກຳນົດ.