ຂະແໜງເກີບໜັງວາງຈຸດໝາຍບັນລຸມູນຄ່າສົ່ງອອກໄດ້14ຕື້USDໃນປີ2015
ພາບປະກອບ
|
(vovworld) – ໃນປີນີ້, ຂະແໜງເກີບໜັງ ຫວຽດນາມ ໄດ້ວາງຈຸດໝາຍ, ຍຸດທະສາດ ພັດທະນາແບບຍືນຍົງ, ໃນນັ້ນວົງເງິນສົ່ງອອກບັນລຸແຕ່ 13,5 ຫາ 14 ຕື້ USD. ເພື່ອບັນລຸຈຸດໝາຍນີ້ໃຫ້ໄດ້, ນັບແຕ່ຕົ້ນປີນີ້, ຂະແໜງເກີບໜັງໄດ້ຍາດແຍ່ງກາລະໂອກາດສະດວກໃນການສົ່ງອອກ ຈາກບັນດາສັນຍາການຄ້າເສລີກັບ ອີຢູ, ສ. ເກົາຫຼີ ແລະ ພິເສດແມ່ນສັນຍາຄູ່ຮ່ວມມືຂ້າມປາຊີຟິກ. ຕາມທ່ານນາງ ຟານທິແທງຊວນ, ເລຂາທິການໃຫຍ່ສະຫະສະມາຄົມເກີບໜັງ - ກະເປົາ ຫວຽດນາມ ແລ້ວ, ປີ 2015, ແງ່ຫວັງສົ່ງອອກຂອງຂະແໜງເກີບໜັງດີພໍສົມຄວນ, ຍ້ອນບັນດາສັນຍາກັບບັນດາບໍລິສັດເກີບໜັງໃຫຍ່ຍັງມີຜົນສັກສິດ ແລະ ມີທ່າອ່ຽງເພີ່ມຂຶ້ນກ່ຽວກັບປະລິມານ. ທ່ານນາງ ຟານທິແທງຊວນ, ໃຫ້ຮູ້ວ່າ:
“ຈຸດໝາຍຂອງພວກຂ້າພະເຈົ້າຍັງສຸມໃສ່ເຂົ້າໃນການເຕີບໂຕການສົ່ງອອກ ແລະ ເປັນເຈົ້າການໃນຕະຫຼາດພາຍໃນປະເທດກໍ່ຄືເພີ່ມທະວີອັດຕາສິນຄ້າພາຍໃນຢູ່ໃນລະດັບ 65% - 70%, ພ້ອມທັງສ້າງເຂດສະໜອງວັດຖຸດິບຕອບສະໜອງໄດ້ຄວາມຕ້ອງການຜະລິດ ກໍ່ຄືຄວາມຕ້ອງການຢູ່ພາຍໃນປະເທດ. ໜຶ່ງໃນບັນດາສິ່ງສຳຄັນໜຶ່ງອີກແມ່ນອາດຈະຍົກສູງຄຸນນະພາບແຫຼ່ງຊັບພະຍາກອນມະນຸດ, ສ້າງບັນດາຜະລິດຕະພັນ ແລະ ສະມັດຕະພາບຄຸນນະພາບ, ຍົກສູງ ກໍ່ຄືຮັບປະກັນຊີວິດການເປັນຢູ່ໃຫ້ແກ່ປະຊາຊົນຜູ້ອອກແຮງງານ, ຕອບສະໜອງໄດ້ບັນດາມາດຖານກ່ຽວກັບສິ່ງແວດລ້ອມ, ສັງຄົມ ມຸ່ງໄປເຖິງການຜະລິດແບບຍືນຍົງ.”