ກຳປັ່ນບິງມິງ 02
(ພາບ:vnexpress.net)
(vovworld) - ເມື່ອຕອບຄຳຖາມຂອງນັກຂ່າວຈຳນວນໜຶ່ງກ່ຽວກັບເລື່ອງກຳປັ່ນບິງມິງ 02 ຖືກກຳປັ່ນຫາປາຈີນ ຕັດສາຍເຄເບີນນັ້ນ, ທ່ານຟ້າມຫວຽດຢູງ, ຮອງຫົວໜ້າຄະນະຊອກຫາສຳຫຼວດ-ຮັບຜິດຊອບຫ້ອງການທະເລຕາເວັນອອກ (ສັງກັດກຸ່ມບໍລິສັດນ້ຳມັນອາຍແກັດແຫ່ງຊາດຫວຽດນາມ-PVN) ໃຫ້ຮູ້ວ່າ: ໃນເວລາ 4 ໂມງ 5 ນາທີຂອງວັນທີ 30/11/2012, ເມື່ອກຳປັ່ນບິງມິງ 02 ໄດ້ເຄື່ອນໄຫວຢູ່ນອກປາກອ່າວພາກເໜືອເພື່ອກະກຽມການສຳຫຼວດ, ກຳປັ່ນ 2 ລຳຂອງຈີນ ມີໝາຍເລກ 16025 ແລະ 16028 ໄດ້ຕັດສາຍເຄເບີນຂອງກຳປັ່ນບິງມິງ 02. ຈຸດທີ່ສາຍເຄເບີນຖືກຕັດແມ່ນຫ່າງຈາກເກາະກົນໂກ 43 ໄມທະເລໄປທາງທິດຕາເວັກຕົກ. ພາຍຫຼັງເກີດເຫດການດັ່ງກ່າວ, ກຸ່ມບໍລິສັດນ້ຳມັນອາຍແກັດແຫ່ງຊາດຫວຽດນາມ ໄດ້ຊີ້ນຳບັນດາຫົວໜ່ວຍຂຶ້ນກັບກຸ່ມບໍລິສັດນ້ຳມັນອາຍແກັດແຫ່ງຊາດຫວຽດນາມ ແລະ ກຳປັ່ນບິງມິງ 02 ຈົ່ງແກ້ໄຂເຫດການໂດຍໄວ. ທ່ານຟ້າມຫວຽດຢູງ ຊີ້ແຈ້ງວ່າ: ກຸ່ມບໍລິສັດນ້ຳມັນອາຍແກັດແຫ່ງຊາດຫວຽດນາມ ຄັດຄ້ານເລື່ອງກຳປັ່ນຂອງຈີນ ໄດ້ຕັດສາຍເຄເບີນຂອງກຳປັ່ນບິງມິງ 02 ແລະ ສະເໜີໃຫ້ບັນດາອົງການທີ່ມີໜ້າທີ່ຮັບຜິດຊອບ ຮຽກຮ້ອງໃຫ້ພົນລະເມືອງຈີນ ເຄົາລົບນັບຖືອະທິປະໄຕຫວຽດນາມ ໃນເຂດນ່ານທະເລຫວຽດນາມ, ບໍ່ກໍ່ຜົນສະທ້ອນເຖິງການເຄື່ອນໄຫວປົກກະຕິຂອງບັນດາກຳປັ່ນຫາປາຫວຽດນາມ, ໃນນັ້ນມີກຳປັ່ນສຳຫຼວດຂອງກຸ່ມບໍລິສັດນ້ຳມັນອາຍແກັດແຫ່ງຊາດຫວຽດນາມ.