ເຫດການດັ່ງກ່າວ ໂດຍກະຊວງແຮງງານ, ທະຫານເສຍອົງຄະ ແລະ ສັງຄົມ ຫວຽດນາມ ຈັດຂຶ້ນຕາມຮູບການທາງໄກ, ແນໃສ່ປະຕິບັດໂຄງການວຽກເຮັດງານທຳຂອງກະຊວງແຮງງານ ອາຊຽນ.

ທີ່ກອງປະຊຸມສຳມະນາ, ບັນດາຜູ້ແທນໄດ້ແບ່ງປັນກ່ຽວກັບໝາກຜົນຂອງບົດລາຍງານການຄົ້ນຄວ້າກ່ຽວກັບການປ່ຽນແປງເນື້ອແທ້ຂອງການພົວພັນແຮງງານພາຍໃຕ້ຜົນກະທົບຂອງການນຳໃຊ້ເຕັກໂນໂລຢີຂໍ້ມູນຂ່າວສານ ແລະ ຄວາມເໝາະສົມຂອງກົດໝາຍໃນການດັດປັບການພົວພັນວຽກເຮັດງານທຳ; ພ້ອມທັງແລກປ່ຽນກ່ຽວກັບຮູບແບບທີ່ດີໃນການຄຸ້ມຄອງ, ການປ່ຽນແປງກ່ຽວກັບການພົວພັນວຽກເຮັດງານທຳ ຍ້ອນໝູນໃຊ້ວິທະຍາສາດເຕັກໂນໂລຢີ. ບັນດາຜູ້ແທນເຂົ້າຮ່ວມກອງປະຊຸມສຳມະນາກໍໄດ້ເຕື້ອງເຖິງບັນດາໂຄງການຮັບມືກັບອະນາຄົດຂອງວຽກເຮັດງານທຳຂອງບັນດາປະເທດໃນພາກພື້ນ, ປຶກສາຫາລືກ່ຽວກັບການກຳນົດທິດການຮ່ວມມືໃນອະນາຄົດໃນຂົງເຂດນີ້.