ແຂກເຂົ້າຢ້ຽມຊົມຮ້າຍວາງສະແດງ
|
(vovworld) - ແຕ່ວັນທີ 17 – 19/2, ຢູ່ນະຄອນຫຼວງ Canberra, ປະເທດ ອົດສະຕາລີ ໄດ້ຈັດຕັ້ງງານບຸນວັດທະນະທຳຫຼາຍຮູບຫຼາຍສີແຫ່ງຊາດປີ 2017. ປີນີ້, ສະຖານທູດ ຫວຽດນາມ ປະຈຳ ອົດສະຕາລີ ໄດ້ເຂົ້າຮ່ວມງານບຸນໃນຂອບເຂດ “ໝູ່ບ້ານ ອາຊຽນ”, ເພື່ອແນໃສ່ເພີ່ມທະວີການໂຄສະນາປະເທດຊາດ, ປະຊາຊົນ ແລະ ວັດທະນະທຳ ຫວຽດນາມ ເຖິງປະຊາຊົນ ອົດສະຕາລີ ແລະ ເພື່ອນມິດສາກົນ.
ທ່ານເອກອັກຄະລັດຖະທູດ ຫວຽດນາມ ປະຈຳ ອົດສະຕາລີ ເລືອງແທງງີ້, ໃຫ້ຮູ້ວ່າ: ເລື່ອງສ້າງຕັ້ງ “ໝູ່ບ້ານວັດທະນະທຳ” ໃນງານບຸນປີນີ້ເພື່ອແນໃສ່ແນະນຳພື້ນຖານວັດທະນະທຳຫຼາຍຮູບຫຼາຍສີຂອງ ອາຊຽນ ກັບເພື່ອນມິດສາກົນ, ພິເສດແມ່ນສຳລັບມະຫາຊົນ ອົດສະຕາລີ. ນອກຈາກນັ້ນ, ເລື່ອງເຂົ້າຮ່ວມດ້ວຍຖານະເປັນກຸ່ມໜຶ່ງໄດ້ສະແດງໃຫ້ເຫັນນ້ຳໃຈສາມັກຄີຂອງບັນດາປະເທດ ອາຊຽນ, ພິເສດແມ່ນການແນະນຳກ່ຽວກັບປະເທດຊາດ, ວັດທະນະທຳ, ປະຊາຊົນຂອງແຕ່ລະປະເທດກໍ່ຄືຂອງກຸ່ມ. ທ່ານເອກອັກຄະລັດຖະທູດ ເລືອງແທງງີ້ ຖືວ່າ ຫວຽດນາມ ໄດ້ປະກອບສ່ວນໜຶ່ງເຂົ້າໃນຄວາມເປັນຫຼາຍຮູບຫຼາຍສີຂອງວັດທະນະທຳຂອງ ອົດສະຕາລີ ຍ້ອນປະຊາຄົມຊາວ ຫວຽດນາມ ປະມານ 300.000 ຄົນພວມດຳລົງຊີວິດ, ເຮັດວຽກ ແລະ ຮ່ຳຮຽນຢູ່ອົດສະຕາລີ.