ຄວາມປະທັບໃຈພາບພົດຫວຽດນາມໃນ“ວັນຄອບຄົວອາຊຽນ”ຢູ່ນິວຢ໋ອກ
ວັນຄອບຄົວ ອາຊຽນ (ພາບ:hoangchien/TTXVN)
(vovworld) – ວັນທີ 15/8, ບັນດາຄະນະຜູ້ຕາງໜ້າປະຈຳຂອງ 10 ປະເທດສະມາຊິກສະມາຄົມປະຊາຊາດອາຊີຕາເວັນອອກສຽງໃຕ້ (ອາຊຽນ) ຢູ່ສະຫະປະຊາຊາດຈັດຕັ້ງງານບຸນມູນເຊື້ອ “ວັນຄອບຄົວ ອາຊຽນ” ຢູ່ນະຄອນ ນິວຢ໋ອກ, ປະເທດ ອາເມລິກາ ຢ່າງສົມກຽດ. ຄະນະຜູ້ຕາງໜ້າ ຫວຽດນາມ ປະຈຳ ສະຫະປະຊາຊາດ ໄດ້ນຳມາງານບຸນຄັ້ງນີ້ ຮ້ານວາງສະແດງບັນດາຮູບພາບເອກະລັກສະເພາະ ກ່ຽວກັບປະເທດຊາດ, ຊາວ ຫວຽດນາມ ພ້ອມກັບບັນດາເຍື່ອງອາຫານແຊບນົວ ແລະ ການລະຫລິ້ນພື້ນເມືອງ, ດຶງດູດຄວາມສົນໃຈຈາກແຂກເຂົ້າຊົມເປັນຈຳນວນຫລວງຫລາຍ
ກ່າວຄຳເຫັນທີ່ງານບຸນ, ບັນດາເອກອັກຄະລັດຖະທູດ ອາຊຽນ ຢືນຢັນວ່າ: “ວັນຄອບຄົວ ອາຊຽນ” ແມ່ນການເຄື່ອນໄຫວພົບປະແລກປ່ຽນວັດທະນະທຳ, ກິລາທີ່ມີປະໂຫຍດ ຊຶ່ງບັນດາຄະນະຜູ້ຕາງໜ້າໄດ້ຮັກສາໃນຫລາຍປີຜ່ານມາແລ້ວ. ວັນບຸນຄັ້ງນີ້ ເພື່ອແນໃສ່ເພີ່ມທະວີຄວາມສາມັກຄີ, ຄວາມເຂົ້າໃຈເຊິ່ງກັນ ແລະ ກັນລະຫວ່າງບັນດານັກການທູດ, ນັກຂ່າວ ແລະ ປະຊາຄົມບັນດາປະເທດ ອາຊຽນ ພວມດຳລົງຊີວິດ, ເຮັດວຽກ ແລະ ຮຳ່ຮຽນຢູ່ ນິວຢ໋ອກ ແລະ ບັນດາເຂດອ້ອມຂ້າງ, ຜ່ານນັ້ນ ຈະຊ່ວຍເພີ່ມທະວີນ້ຳໃຈມິດຕະພາບລະຫວ່າງບັນດາປະເທດສະມາຊິກຂອງອົງການຈັດຕັ້ງນິ້