(ພາບປະກອບ:vietbao.vn)
(vovworld) - ໃນວັນທຳອິດຂອງປີໃໝ່ມະເສງ 2013, ປະຊາຊົນຫວຽດນາມ ໝົດທຸກຄົນລ້ວນແຕ່ມີຄວາມຫວັງວ່າ: ປີໃໝ່ຈະມີແຕ່ຄວາມໂຊກດີ, ຜາສຸກ. ໃນໂອກາດປີໃໝ່, ຊາວກະສິກອນມີຄວາມຫວັງຢາກໃຫ້ດິນຟ້າອາກາດເອື້ອອຳນວຍຄວາມສະດວກ, ລະດູເກັບກ່ຽວໄດ້ຮັບຜົນດີ, ສຳພັດກັບວິທະຍາສາດເຕັກນິກທັນສະໄໝເພື່ອສາມາດສ້າງຄວາມຮັ່ງມີໃນເຂດທົ່ງນາຂອງບ້ານຕົນ. ທ່ານຫງວຽນວັນຕັກ, ເມືອງເຈົາແທນ, ແຂວງດົງນາຍ ໃຫ້ຮູ້ວ່າ:
“ຊາວກະສິກອນໄດ້ມີການປ່ຽນແປງຈິນຕະນາການແລ້ວ, ໝາຍຄວາມວ່າຕິດພັນກັບວິທະຍາສາດເຕັກນິກ ແລະ ມີປະສິດທິຜົນດ້ານເສດຖະກິດ. ຊາວກະສິກອນມີຄວາມຫວັງຢາກໃຫ້ຊີວິດກໍ່ມີການປ່ຽນແປງ, ພັດທະນາກ້າວຂຶ້ນ“
ໃນໂອກາດປີໃໝ່, ຊາວນະຄອນຮ່າໂນ້ຍ ແລະ ໂຮ່ຈິມິນ ເຄີຍເຂົ້າວັດເພື່ອພາວະນາຂໍໂຊກຂໍລາບໃຫ້ແກ່ຄອບຄົວ ແລະ ຂໍໃຫ້ມີບັນດາສິ່ງທີ່ດີງາມທີ່ສຸດໃຫ້ແກ່ນະຄອນ ແລະ ປະເທດຊາດ. ອ້າຍຫງວຽນບາຫາຍ, ຊາວນະຄອນໂຮ່ຈິມິນ ສະແດງວ່າ:
“ຂ້າພະເຈົ້າພາວະນາຂໍໃຫ້ປະຊາຊົນນະຄອນ ແລະ ທົ່ວປະເທດໃນໂອກາດປີໃໝ່ມີແຕ່ຄວາມມ່ວນຊື່ນ ແລະ ສຳເລັດຜົນ. ໃນສະພາບການທີ່ເສດຖະກິດ ແລະ ປະເທດຊາດຍັງປະສົບກັບຄວາມຫຍຸ້ງຍາກຫຼາຍຢ່າງ ແຕ່ຂ້າພະເຈົ້າເຊື່ອໝັ້ນວ່າ ນີ້ແມ່ນໂອກາດທີ່ດີເພື່ອໃຫ້ໄວໜຸ່ມນະຄອນສູ້ຊົນຝຶກຝົນຫຼໍ່ຫຼອມ ແລະ ຢັ້ງຢືນຕົນເອງ, ພ້ອມກັບປະເທດຊາດຜ່ານຜ່າຄວາມຫຍຸ້ງຍາກ“