ຄວາມວິຕົກກັງວົນຕໍ່ການເພີ່ມທະວີຄວາມເຄັ່ງຕຶງລະຫວ່າງກຳລັງ ເຮໂບລາ ຢູ່ ລີບັງ ກັບ ອິດສະຣາແອັນ
(VOVWORLD) - ຕາມແຈ້ງການຈາກກຳລັງປ້ອງກັນຕົວ ອິດສະຣາແອັນ (IDF), ວັນທີ 28 ກໍລະກົດ, ເຂດພາກເໜືອຂອງ ອິດສະຣາແອັນ, ໃນນັ້ນ ມີເຂດພູສູງ Golan ໄດ້ຖືກຍິງທຳລາຍຢ່າງດຸເດືອດຈາກ ລີບັງ.
ໃນນັ້ນ, ຢູ່ເດີ່ນເຕະບານແຫ່ງໜຶ່ງຢູ່ເທດສະບານ Druze Majdal Shams ໄດ້ຖືກ rocket ຍິງໃສ່ ຢ່າງໜ້ອຍສຸດ 1 ລູກ ເຮັດໃຫ້ມີຜູ້ເສຍຊີວິດ 12 ຄົນ ແລະ ຜູ້ຖືກບາດເຈັບ 19 ຄົນ. IDF ໃຫ້ຮູ້ວ່າ ມີຫຼັກຖານຢັ້ງຢືນວ່າກຸ່ມປະກອບອາວຸດ ເຮໂບລາ ໄດ້ຍິງ rocket ຈາກ Chebaa, ໝູ່ບ້ານແຫ່ງໜຶ່ງຢູ່ພາກໃຕ້ ລີບັງ. ຫຼັງຈາກນັ້ນ, ລັດຖະບານ ອິດສະຣາແອັນ ໄດ້ອອກຖະແຫຼງການຢ່າງຕິດຕໍ່ກັນວ່າ ຈະດຳເນີນບັ້ນການທະຫານເພື່ອໂຕ້ຕອບຄືການກະທຳຂອງ ເຮໂບລາ. ເຖິງຢ່າງໃດກໍຕາມ, ເຮໂບລາ ໄດ້ປະຕິເສດທຸກເຫດການທີ່ກ່ຽວຂ້ອງເຖິງການບຸກໂຈມຕີດັ່ງກ່າວ.
ເຫດບຸກໂຈມຕີ ໄດ້ເພີ່ມທະວີຄວາມວິຕົກກັງວົນສາກົນ ກ່ຽວກັບສະພາບການໃຊ້ຄວາມຮຸນແຮງທີ່ອາດຈະແຜ່ລາມອອກສູ່ວົງກວ້າງຢູ່ພາກພື້ນ.