(vovworld) - ເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນສ້າງຕັ້ງສາຍພົວພັນທາງການທູດລະຫວ່າງຫວຽດນາມ - ລາວ (5/9/1962 – 5/9/2012), 35 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມືຫວຽດນາມ - ລາວ, ລາວ - ຫວຽດນາມ ແລະ ສະເຫຼີມສະຫຼອງປີສາມັກຄີມິດຕະພາບຫວຽດນາມ - ລາວ, ວັນທີ 9/11, ທີ່ນະຄອນຫຼວງວຽງຈັນ, ກະຊວງປ້ອງກັນປະເທດຫວຽດນາມ ແລະ ລາວ ໄດ້ສົມທົບກັນຈັດຕັ້ງກອງປະຊຸມສຳມະນາດ້ວຍຫົວຂໍ້ວ່າ “ຄວາມສາມັກຄີສຳພັນທະມິດສູ້ຮົບພິເສດລະຫວ່າງກອງທັບສອງປະເທດຫວຽດນາມ - ລາວ, ລາວ - ຫວຽດນາມ - ພຶດຕິກຳຕົວຈິງ ແລະ ບົດຮຽນປະຫວັດສາດ”. ບັນດາບົດປະກອບຄວາມເຫັນທີ່ກອງປະຊຸມສຳມະນາ ໄດ້ຢືນຢັນແຜນນະໂຍບາຍ, ແນວທາງສາມັກຄີສຳພັນທະມິດສູ້ຮົບພິເສດລະຫວ່າງຫວຽດນາມ - ລາວ, ລາວ - ຫວຽດນາມໃນການຕໍ່ສູ້ຕ້ານລ່າເມືອງຂຶ້ນຝລັ່ງ ແລະ ຈັດກະພັດອາເມລິກາ ໂດບເລີ່ມມາຈາກພຶດຕິກຳຕົວຈິງພາວະວີໄສຂອງປະຫວັດສາດ; ຢືນຢັນການຊີ້ນຳ, ນຳພາອັນຖືກຕ້ອງຂອງພັດ, ລັດຖະບານ, ເຊິ່ງໂດຍກົງແມ່ນຄະນະພັກການທະຫານສູນກາງ ແລະ ກະຊວງປ້ອງກັນປະເທດສອງປະເທດທີ່ມີຕໍ່ສຳພັນທະມິດສູ້ຮົບພິເສດລະຫວ່າງກອງທັບສອງປະເທດ; ຊີ້ແຈ້ງວິວັດການສຳພັນທະມິດສູ້ຮົບ, ສົມທົບກັນສູ້ຮົບ, ນ້ຳໃຈຕັດສິນໃຈຕໍ່ສູ້, ຍາດເອົາໄຊຊະນະ, ເຈັດຈຳນົງ, ມາລະຈິດ ແລະ ຫົວຄິດປະດິດສ້າງ; ຖອດຖອນບັນດາບົດຮຽນເພື່ອແນໃສ່ຮັກສາ, ນຳໃຊ້ ແລະ ເສີມຂະຫຍາຍໃນພາລະກິດສ້າງສາ ແລະ ປົກປັກຮັກສາປະເທດຊາດຂອງສອງຊາດ ປະກອບສ່ວນເພີ່ມທະວີວຽກງານປ້ອງກັນຊາດປ້ອງກັນຄວາມສະຫງົບ, ຊຸກຍູ້ວິວັດການເຊື່ອມໂຍງກັບພາກພື້ນ ແລະ ໂລກຂອງສອງປະເທດໃນໄລຍະໃໝ່.