ຄວາມເຄັ່ງຕຶງ ເພີ່ມຂຶ້ນຢູ່ເຂດຊາຍແດນ ອິດສຣາແອນ - ກາຊາ
(ພາບປະກອບ)
(vovworld) - ຄວາມເຄັ່ງຕຶງສືບຕໍ່ເພີ່ມຂຶ້ນຢູ່ເຂດຊາຍແດນລະຫວ່າງ ອິດສຣາແອນ ແລະ ເຂດກາຊາ ໂດຍຂະບວນການ Hamas ຄວບຄຸມ, ພາຍຫຼັງທີ່ເກີດການປະທະກັນນັບ 10 ຄັ້ງລະຫວ່າງກອງທັບອິສຣາແອນ ກັບບັນດາມືປືນທີ່ພວມເຄື່ອນໄຫວຢູ່ເຂດນີ້. ວັນທີ 24/12, ກຳມະກອນຄົນ 1 ຂອງອິດສຣາແອນ ຖືກຍິງຕາຍຢູ່ເຂດຊາຍແດນດັ່ງກ່າວ. ເຫດການດັງ່ກາວ ໄດ້ກໍ່ໃຫ້ເກີດບັນດາປະຕິກິລິຍາທີ່ຮຸນແຮງຈາກອຳນາດການປົກຄອງອິດສຣາແອນ, ໃນຖະແຫຼງການສະບັບ 1 ທ່ານນາຍົກລັດຖະມົນຕີອິດສຣາແອນ Benjamin Netayahu ໄດ້ຢືນຢັນນະໂຍບາຍ “ບຸກໂຈມຕີກ່ອນ ແລະ ໂຕ້ຕອບດ້ວຍການໃຊ້ກຳລັງອາວຸດ” ສຳລັບບັນດາການເຄື່ອນໄຫວຄ້າຍຄືກັນ ແລະ ນາບຂູ່ຈະດຳເນີນບັນດາການເຄື່ອນໄວໃຊ້ກຳລັງອາວຸດເພື່ອໂຕ້ຕອບ. ຫຼັງຈາກນັ້ນ, ກອງທັບສິດສຣາແອນ ກໍ່ຜັນຂະຫຍາຍບັນດາການບຸກໂຈມຕີທາງອາກາດ ແລະ ປືນໃຫຍ່ຍິງໃສ່ເຂດທີ່ເຂົາເຈົ້າສົງໄສວ່າ “ມີພາກສ່ວນກໍ່ການຮ້າຍ” ຢູ່ເຂດກາຊາ.
ຕໍ່ໜ້າສະພາບການຄືດັ່ງກ່າວ, ທ່ານ Saeb Erakat, ຫົວໜ້າຄະນະເຈລະຈາສັນຕິພາບຂອງປາແລດສຕິນ ໄດ້ອອກສຽງຄັດຄ້ານບັນດາການບຸກໂຈມຕີຂອງອິດສຣາແອນ ແນໃສ່ເຂດກາຊາ ແລະ ຖືວ່າ ການກະທຳນີ້ແມ່ນເພື່ອຈຸດປະສົງ “ເຮັດໃຫ້ບັນດາການປະທະກັນທີ່ນອງເລືອດປິນຂັນໄດ”, ຫາກບໍ່ເພື່ອຈຸດໝາຍນຳເອົາສັນຕິພາບມາສູ່ພາກພື້ນ.