ລະບົບປ້ອງກັນລຸກສອນໄຟອາວຸດລະດັບສູງ ໄລຍະສຸດທ້າຍ (THAAD) (ພາບ:  AFP/TTXVN)

ວັນທີ 13 ຕຸລາ, ອຳນາດການປົກຄອງອາເມລິກາ ໃຫ້ຮູ້ວ່າ ຈະຜັນຂະຫຍາຍລະບົບປ້ອງກັນລຸກສອນໄຟອາວຸດລະດັບສູງ ໄລຍະສຸດທ້າຍ (THAAD) ຢູ່ອິດສະລາແອັນ ແລະ ຈັດສົ່ງທິມງານຂອງອາເມລິກາ ໄປປະຕິບັດການເຄື່ອນໄຫວລະບົບນີ້.

ທ່ານ Pat Ryder ໂຄສົກຂອງທຳນຽບ 5 ແຈ ໃຫ້ຮູ້ວ່າ ການຜັນຂະຫຍາຍນີ້ຈະຊ່ວຍເພີ່ມທະວີລະບົບປ້ອງກັນອາກາດແບບປະສົມຂອງ ອິດສະລາແອັນ, ຜ່ານນັ້ນກໍ່ຊ່ວຍປົກປ້ອງອິດສະລາແອັນ ໄດ້ເປັນຢ່າງດີກ່ວາ ຕໍ່ໜ້າບັນດາການບຸກໂຈມຕີດ້ວຍລູກສອນໄຟໃນອະນາຄົດ. ເຖິງຢ່າງໃດກໍຕາມ, ວົງການເຈົ້າໜ້າທີ່ ອາເມລິກາ ບໍ່ກຳນົດຈະແຈ້ງວັນເວລາລະອຽດທີ່ຈະຜັນຂະຫຍາຍລະບົບດັ່ງກ່າວ. ກ່ອນໜ້ານ້ັນ ໃນວັນທີ 13 ຕຸລາ, ທ່ານລັດຖະມົນຕີການຕ່າງປະເທດ ອີຣານ  Abbas Araqchi  ໄດ້ກ່າວເຕືອນວ່າການເຄື່ອນໄຫວດັ່ງກ່າວຈະຍູ້ກອງທັບອາເມລິກາ ຕົກເຂົ້າສູ່ສະພາບການອັນຕະລາຍ. ໃນສານທີ່ໄດ້ເອົາລົງໃນສື່ສັງຄົມອອນໄລ X, ຜູ້ນຳະແໜງເປັນຕ່າງປະເທດ ອີຣານ ກໍ່ຢັ້ງຢືນວ່າ ເຕເຮຣານ ໄດ້ມານະພະຍາຍາມ ຫຼາຍທີ່ສຸດໃນຊຸມວັນມໍ່ໆມານີ້ ເພື່ອຫຼຸດຜ່ອນຄວາມເຄັ່ງຕຶງ ແລະ ສະກັດກັ້ນຄວາມສ່ຽງເກີດການປະທະກັນໃນທົ່ວພາກພື້ນ ຕາເວັນອອກກາງ.