(ພາບ: Trí Dũng – TTXVN)
(vovworld)- ເມື່ອເຮັດວຽກກັບການນຳຫຼັກແຫຼ່ງຄະນະການເມືອງພາຍໃນສູນກາງເມື່ອຕອນເຊົ້າວັນທີ 23/1, ຢູ່ຮ່າໂນ້ຍ, ທ່ານຫງວຽນຟູຈ້ອງ, ເລຂາທິການໃຫ່ຍຄະນະບໍລິຫານງານສູນກາງພັກກອມມູນິດຫວຽດນາມ ເນັ້ນໜັກວ່າ: ການສ້າງຕັ້ງຄະນະການເມືອງພາຍໃນສູນກາງຄືນໃໝ່ແມ່ນແຜນນະໂຍບາຍທີ່ຖືກຕ້ອງ, ທັນການ, ຊ່ວຍເພີ່ມທະວີການຊີ້ນຳນຳພາຂອງພັກຕໍ່ວຽກງານການເມືອງພາຍໃນ ແລະ ວຽກງານປ້ອງກັນ ແລະ ຕ້ານການສໍ້ລາດບັງຫຼວງ. ທ່ານເລຂາທິການໃຫ່ຍຫງວຽນຟູຈ້ອງ ໃສ່ໃຈວ່າ: ຄະນະການເມືອງພາຍໃນສູນກາງ ໃນຖານະແມ່ນອົງການຊີ້ນຳ ປະຈຳຂອງສູນກາງຕ້ອງເອົາໃຈໃສ່ເຖິງການປ້ອງກັນ, ຕ້ານການສໍ້ລາດບັງຫຼວງທັງຢູ່ສູນກາງ ແລະ ທ້ອງຖິ່ນ; ສືບຕໍ່ພິຈາລະນາ, ແກ້ໄຂບັນດາເຫດການ, ການສໍ້ລາດບັງຫຼວງສັບສົນ, ຈຸດສຸມ; ຄົ້ນຄ້ວາ, ສະເໜີ, ເປັນປະທານ ແລະ ສົມທົບສ້າງກົດໝາຍທີ່ກ່ຽວຂ້ອງເຖິງຂົງເຂດການເມືອງພາຍໃນ ແລະ ວຽກງານປ້ອງກັນ, ຕ້ານການສໍ້ລາດບັງຫຼວງ.
ທ່ານເລຂາທິການໃຫ່ຍຍັງຮຽກຮ້ອງໃຫ້ຄະນະການເມືອງພາຍໃນສູນກາງ ຈົ່ງສືບຕໍ່ກວດກາ, ຊຸກຍູ້, ຕິດຕາມກວດກາວຽກງານການເມືອງພາຍໃນ; ກວດກາການສ້າງກົດໝາຍ, ພິຈາລະນາບັນດາແຜນຮ່າງ, ລາຍງານຮັບປະກັນໃຫ້ມີຄຸນນະພາບ; ຕັ້ງໜ້າເຂົ້າຮ່ວມການສະຫລຸບ 30 ປີແຫ່ງພາລະກິດປ່ຽນແປງໃໝ່ປະເທດຊາດ, ກະກຽມບັນດາເອກະສານຍື່ນສະເໜີຕໍ່ກອງປະຊຸມໃຫ່ຍຄັ້ງທີ 12 ຂອງພັກກ່ຽວກັບຂົງເຂດການເມືອງພາຍໃນ, ການປ້ອງກັນຄວາມສະຫງົບ ແລະ ການປ້ອງກັນ, ຕ້ານໄພຫຍໍ້ທໍ້, ການສໍ້ລາດບັງຫຼວງ.
ໃນຕອນບ່າຍຂອງວັນດຽວກັນ, ຢູ່ຮ່າໂນ້ຍ, ທ່ານເລຂາທິການໃຫ່ຍ ໃຫ່ຍຫງວຽນຟູຈ້ອງ ໄດ້ໃຫ້ການຕ້ອນຮັບທ່ານເອກອັກຄະລັດຖະທູດຍີ່ປຸ່ນ ປະຈຳຫວຽດນາມ Hiroshi Fukada ເຂົ້າຢ້ຽມຂ່ຳນັບ ໃນໂອກາດທ່ານເລີ່ມຕົ້ນອາຍຸການປະຕິບັດງານຢູ່ຫວຽດນາມ. ນະທີ່ນີ້, ທ່ານເລຂາທິການໃຫ່ຍຫງວຽນຟູຈ້ອງ ຢືນຢັນວ່າ: ຫວຽດນາມ ຖືເປັນສຳຄັນ ແລະ ປາດຖະໜາຢາກພັດທະນາການພົວພັນກັບຍີ່ປຸນ ແລະ ສືບຕໍ່ໄດ້ຮັບການຮ່ວມມື, ໜູນຊ່ວຍ ແລະ ບົດຮຽນຂອງຍີ່ປຸ່ນ ໃນວິວັດການຫັນປ່ຽນຮູບແບບການເຕີບໂຕຂອງຫວຽດນາມ. ທ່ານເລຂາທິການໃຫ່ຍ ໃຫ່ຍຫງວຽນຟູຈ້ອງ ເຊື່ອໝັ້ນວ່າ, ດ້ວຍອາລົມຈິດ, ບົດຮຽນ ແລະ ຄວາມເຂົ້າອົກເຂົ້າໃຈກ່ຽວກັບຫວຽດນາມ, ທ່ານເອກອັກຄະລັດຖະທູດ Hiroshi Fukada ຈະມີການປະກອບສ່ວນອັນຕັ້ງໜ້າ, ແທດຈິງ ແລະ ມີປະສິດທິຜົນ, ປະກອບສ່ວນນຳການພົວພັນຄູ່ຮ່ວມມືຍຸດທະສາດຫວຽດນາມ-ຍີ່ປຸ່ນ ເຂົ້າສູ່ລວງເລິກ ແລະ ໝັ້ນຄົງ, ຕອບສະໜອງຄວາມມຸ່ງຫວັງ ແລະ ຜົນປະໂຫຍດຂອງ ປຊຊ ສອງປະເທດ.
ສ່ວນທ່ານເອກອັກຄະລັດຖະທູດ Hiroshi Fukada ໃຫ້ຄຳໝັນສັນຍາຈະສືບຕໍ່ມານະພະຍາຍາມຈົນສຸດຄວາມສາມາດຂອງຕົນ ປະກອບສ່ວນເພີ່ມທະວີອາລົມຈິດມິດຕະພາບ, ຊຸກຍູ້ ແລະ ເປີດກ້ວາງການຮ່ວມມືເພື່ອແນໃສ່ພັດທະນາການພົວພັນຄູ່ຮ່ວມມືຍຸດທະສາດ ແລະ ວັດຖະນາຖາວອນຢູ່ອາຊີ ແລະ ຍີ່ປຸ່ນ./.