ຄະນະກຳມະການ ສູນກາງ ແນວໂຮມປະເທດຊາດ ຫວຽດນາມ ແລະ ຫ້ອງວ່າການປະທານປະເທດ ລົງນາມໃນຂໍ້ກຳນົດວ່າດ້ວຍ ການປະສານສົມທົບ
(VOVWORLD) -ວັນທີ 25 ພະຈິກ, ຢູ່ຮ່າໂນ້ຍ, ຫ້ອງວ່າການປະທານປະເທດ ແລະ ຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ຈັດຕັ້ງພິທີລົງນາມໃນຂໍ້ກຳນົດວ່າດ້ວຍການປະສານສົມທົບປະຕິບັດວຽກງານລະຫວ່າງສອງອົງການ ໂດຍມີການເຂົ້າຮ່ວມຂອງ ທ່ານ ເຈິ່ນແທັງເມີ້ນ ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ແລະ ທ່ານນາງດັ້ງທິງອກທິ້ງ ຮອງປະທານປະເທດ ຫວຽດນາມ.
|
 ພິທີລົງນາມໃນຂໍ້ກຳນົດວ່າດ້ວຍການປະສານສົມທົບປະຕິບັດວຽກງານລະຫວ່າງສອງອົງການ
(ພາບ: MTTQVN)
|
ຂໍ້ກຳນົດໄດ້ສຸມໃສ່ເຂົ້າບັນດາຂົງເຂດຄື: ເຕົ້າໂຮມກໍ່ສ້າງກຸ່ມກ້ອນມະຫາສະມັກຄີທົ່ວປວງຊົນທັງຊາດ; ສ້າງ, ໂຄສະນາ, ເຜີຍແຜ່ກົດໝາຍ; ຕິດຕາມກວດກາ ແລະ ໄຈ້ແຍກຕີລາຄາສັງຄົມ, ລວບລວມ ແລະ ແກ້ໄຂຄຳເຫັນ, ຂໍ້ສະເໜີແນະຂອງຜູ້ມີສິດເລືອກຕັ້ງ ແລະ ປະຊາຊົນ…
ກ່າວຄຳເຫັນຢູ່ທີ່ນີ້, ທ່ານນາງດັ້ງທິງອກທິ້ງ ຮອງປະທານປະເທດ ມີຄວາມປາດຖະໜາວ່າ ສອງອົງການຈະສືບຕໍ່ຄົ້ນຄ້ວາ, ເປັນເສນາທິການໃຫ້ແກ່ປະທານປະເທດ ແລະ ຄະນະປະທານ ຄະນະກຳມະການສູນກາງ ແນວໂຮມປະເທດຊາດ ຫວຽດນາມ ໃນການສ້າງສາ ແລະ ຜັນຂະຫຍາຍປະຕິບັດບັນດາແຜນນະໂຍບາຍ, ນະໂຍບາຍໃຫຍ່ຂອງພັກ, ລັດຢ່າງມີປະສິດທິຜົນ.