(vovworld) - ວັນທີ 06/02, ຢູ່ຮ່າໂນ້ຍ, ຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ຈັດພິທີລົງນາມໃນຄຳໝັ້ນສັນຍາແຂ່ງຂັນປີ 2014 ລະຫວ່າງບັນດາພະແນກ, ຫົວໜ່ວຍຂຶ້ນກັບຄະນະກຳມະການ.
ກ່າວຄຳເຫັນຢູ່ທີ່ນີ້, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ປາດຖະໜາວ່າ ໃນປີ 2014, ສູນກາງແນວໂຮມປະເທດຊາດຫວຽດນາມ ຈະຜັນຂະຫຍາຍ 9 ເນື້ອໃນຈຸດສຸມເຊິ່ງໄດ້ຮັບການຮັບຮອງທີ່ກອງປະຊຸມຄັ້ງທີ 7 ຄະນະກຳມະການສູນກາງແນວໂຮມປະເທດຊາດຫວຽດນາມ ຊຸດທີ 7 ເປັນຢ່າງດີ. ເຊິ່ງຕາມນັ້ນແລ້ວ, ສືບຕໍ່ປ່ຽນໃໝ່ ຍົກສູງຄຸນນະພາບ, ປະສິດທິຜົນບັນດາຂະບວນການ, ບັ້ນຂົນຂວາຍຂອງແນວໂຮມປະເທດຊາດຫວຽດນາມ; ຍູ້ແຮງການໂຄສະນາກ່ຽວກັບບັນດາແບບຢ່າງດີເດັ່ນ; ປະຕິບັດໜ້າທີ່ສ່ອງແສງແນວຄິດ, ຈິດໃຈ, ຄວາມມຸ່ງຫວັງຂອງປະຊາຊົນຕໍ່ພັກ, ອຳນາດການປົກຄອງທຸກຂັ້ນເປັນຢ່າງດີ; ຜັນຂະຫຍາຍວຽກງານຕິດຕາມກວດກາ ແລະ ໄຈແຍກ, ຕີລາຄາສັງຄົມຂອງແນວໂຮມປະເທດຊາດຫວຽດນາມ ແລະ ບັນດາອົງການຈັດຕັ້ງການເມືອງ - ສັງຄົມ ເປັນຢ່າງດີ; ເອົາໃຈໃສ່ເບິ່ງແຍງ ແລະ ເສີມຂະຫຍາຍບົດບາດຂອງບັນດາສາສະໜາ, ບັນດາເຜົ່າ, ຊາວຫວຽດນາມ ອາໄສຢູ່ຕ່າງປະເທດ ແລະ ເສີມຂະຫຍາຍພູມປັນຍາຂອງຖັນແຖວປັນຍາຊົນຢ່າງມີປະສິດທິຜົນ. ຄຽງຂ້າງນັ້ນ, ສູນກາງແນວໂຮມປະເທດຊາດຫວຽດນາມ ສືບຕໍ່ປັບປຸງກົງຈັກ, ການຈັດຕັ້ງຍົກສູງປະສິດທິຜົນວຽກງານແນວໂຮມ, ຕອບສະໜອງຄວາມຮຽກຮ້ອງປະຕິບັດໜ້າທີ່ໃໝ່ເຊິ່ງລັດຖະທຳມະນູນໄດ້ວາງອອກ.