ຄະນະກຳມາທິການບັນດາບັນຫາສັງຄົມຂອງສະພາແຫ່ງຊາດຢ້ຽມຢາມສະມາຄົມຊາວຫວຽດນາມຢູ່ບຸນກາຣີ
ຄະນະຜູ້ແທນກຳມາທິການບັນດາບັນຫາສັງຄົມຂອງສະພາແຫ່ງຊາດ ຫວຽດນາມ
ເຮັດວຽກຢູ່ສະຖານທູດ ຫວຽດນາມ ປະຈຳ ບຸນກາຣີ
(ພາບ:doanbulgaria1976.wordpress.com)
(vovworld) – ຄະນະຜູ້ແທນກຳມາທິການບັນດາບັນຫາສັງຄົມຂອງສະພາແຫ່ງຊາດ ຫວຽດນາມ ໂດຍທ່ານ ໂດ໋ແມ້ງຮູ່ງ, ຮອງຫົວໜ້າກຳມາທິການນຳໜ້າ, ຫາກໍ່ມີການຢ້ຽມຢາມ ສະມາຄົມຊາວ ຫວຽດນາມ ອາໄສຢູ່ ບຸນກາຣີ. ທ່ານ ໂດ໋ແມ້ງຮູ່ງ ໄດ້ແຈ້ງໃຫ້ບັນດາສະມາຊິກໃນສະມາຄົມໄດ້ຮັບຊາບກ່ຽວກັບສະພາບພາຍໃນປະເທດໃນ 6 ເດືອນຕົ້ນປີ. ກ່ຽວກັບສະພາບການຢູ່ທະເລຕາເວັນອອກ, ທ່ານ ໂດ໋ແມ້ງຮູ່ງ ໃຫ້ຮູ້ວ່າ: ຫຼັກໝັ້ນ, ທັດສະນະຂອງ ຫວຽດນາມ ແມ່ນເດັດດ່ຽວຄັດຄ້ານການກະທຳຜິດພາດຂອງ ຈີນ, ຮຽກຮ້ອງໃຫ້ ຈີນ ຖອນຮ້ານເຈາະນ້ຳມັນ ໄຮຢາງ - 981 ອອກຈາກເຂດເສດຖະກິດຈຳເພາະ ແລະ ໄຫຼ່ທະວີບຂອງ ຫວຽດນາມ, ຢຸດຕິບັນດາການກະທຳລ່ວງລ້ຳອະທິປະໄຕ ຫວຽດນາມ. ສ່ວນທ່ານ ເລແທງຮ່ວາງ, ປະທານສະມາຄົມຊາວ ຫວຽດນາມ ອາໄສຢູ່ ບຸນກາຣີ, ໃຫ້ຮູ້ວ່າ: ເຖິງວ່າອາໄສຢູ່ຫ່າງໄກປະເທດກໍ່ຕາມ, ແຕ່ພໍ່ແມ່ປະຊາຊົນຊາວ ຫວຽດນາມ ຢູ່ບຸນກາຣີ ຍາມໃດກໍ່ເສີມຂະຫຍາຍນ້ຳໃຈຮັກຊາດ, ຮັກສາມູນເຊື້ອວັດທະນະທຳ, ອວ່າຍເມືອຫາກົກເຄົ້າເຫງົ້າກໍ. ທ່ານ ເລແທງຮ່ວາງ ຢືນຢັນວ່າ: ສະມາຄົມຊາວ ຫວຽດນາມ ຢູ່ທີ່ນີ້ຍາມໃດກໍ່ເຊື່ອໝັ້ນຕໍ່ການນຳພາຂອງພັກ, ລັດ, ສະພາແຫ່ງຊາດ, ລັດຖະບານໃນການຕໍ່ສູ້ປົກປັກຮັກສາອະທິປະໄຕ ແລະ ຜືນແຜ່ນດິນອັນຄົບຖ້ວນຂອງ ຫວຽດນາມ ຢູ່ໝູ່ເກາະ ຮ່ວາງຊາ ແລະ ເຈື່ອງຊາ. ເພື່ອສະແດງນ້ຳໃຈຮັກຊາດ, ນ້ຳໃຈຂອງຕົນ, ສະມາຄົມໄດ້ຂົນຂວາຍປະກອບສ່ວນສະໜັບສະໜູນບັນດາກຳລັງຕຳຫຼວດທະເລ, ກຳລັງກວດກາການປະມົງ ແລະ ຊາວປະມົງໃນພາລະກິດຕໍ່ສູ້ປົກປັກຮັກສາອະທິປະໄຕທະເລ, ໝູ່ເກາະທີ່ສັກກະລະບູຊາຂອງປະເທດຊາດ.