(ພາບປະກອບ)
(vovworld) - ຕອນເຊົ້າວັນທີ 20/02, ຢູ່ຮ່າໂນ້ຍ, ຄະນະກຳມາທິການປ້ອງກັນຊາດປ້ອງກັນຄວາມສະຫງົບຂອງສະພາແຫ່ງຊາດ ຈັດວາລະປະຊຸມຄັ້ງທີ 7, ໃຫ້ຄຳຄິດຄຳເຫັນກ່ຽວກັບຮ່າງລັດຖະດຳລັດສະບັບປັບປຸງ, ເພີ່ມເຕີ່ມບາງຂໍ້ມາດຕາຂອງລັດຖະດຳລັດການຄຸ້ມຄອງ, ນຳໃຊ້ອາວຸດ, ວັດຖຸລະເບີດ ແລະ ເຄື່ອງມືໜູນຊ່ວຍ, ລັດຖະດຳລັດດັ່ງກ່າວມີຜົນສັກສິດນັບແຕ່ວັນທີ 01/01/2012 ເປັນຕົ້ນໄປ. ປຶກສາຫາລືກ່ຽວກັບບັນຫານີ້, ບັນດາຄຳຄິດຄຳເຫັນສ່ວນຫຼາຍລ້ວນແຕ່ຖືວ່າ, ເລື່ອງປະກາດລັດຖະດຳລັດແມ່ນມີຄວາມຈຳເປັນ, ຕອບສະໜອງຄວາມຮຽກຮ້ອງຕ້ອງການ, ໜ້າທີ່ຮັບປະກັນຄວາມເປັນລະບຽບຮຽບຮ້ອຍ ແລະ ຄວາມປອດໄພທາງສັງຄົມ. ໃນຕົວຈິ່ງ ບັນດາຂໍ້ກຳນົດໃນລັດຖະດຳລັດທີ່ພວມປະກາດໃຊ້ໃນປະຈຸບັນແມ່ນໄດ້ຮັບປະກັນດ້ານພື້ນຖານນິຕິກຳໃຫ້ແກ່ການຄຸ້ມຄອງ, ນຳໃຊ້ອາວຸດ, ວັດຖຸລະເບີດ ແລະ ເຄື່ອງມືໜູນຊ່ວຍແລ້ວ. ເວລາປະຕິບັດລັດຖະດຳລັດມີຜົນສັກສິດບໍ່ດົນປາໃດ, ສະນັ້ນບໍ່ທັນຕີລາຄາຢ່າງຊັດເຈນຜົນກະທົບຂອງລັດຖະດຳລັດນີ້ໄດ້. ເພາະສະນັ້ນ, ບັນດາສະມາຊິກສະເໜີບໍ່ປັບປຸງເນື້ອໃນຂອງລັດຖະດຳລັດນີ້ ພຽງແຕ່ເພີ່ມເຕີ່ມບາງບັນຫາທີ່ກ່ຽວຂ້ອງເທົ່ານັ້ນ. ທີ່ວາລະປະຊຸມ, ບັນດາສະມາຊິກຄະນະກຳມາທິການປ້ອງກັນຊາດປ້ອງກັນຄວາມສະຫງົບ ຍັງໃຫ້ຄຳຄິດຄຳເຫັນກ່ຽວກັບຮ່າງລັດຖະທຳມະນູນປີ 1992 ສະບັບປັບປຸງ.