ຄະນະຊີ້ນຳກ່ຽວກັບສິດທິມະນຸດແຫ່ງຊາດລາວຢ້ຽມຢາມຫວຽດນາມ
(ຄະນະຊີ້ນຳກ່ຽວກັບສິດທິມະນຸດແຫ່ງຊາດລາວຢ້ຽມຢາມຫວຽດນາມ)
(vovworld)- ຕອນເຊົ້າວັນທີ 29/9, ຢູ່ຮ່າໂນ້ຍ, ທ່ານພົນໂທ ໂຕເລິມ, ຮອງລັດຖະມົນຕີກະຊວງຕຳຫຼວດ ໄດ້ໃຫ້ການຕ້ອນຮັບ ຄະນະຊີ້ນຳກ່ຽວກັບສິດທິມະນຸດແຫ່ງຊາດລາວ ໂດຍທ່ານລັດຖະມົນຕີ, ຫົວໜ້າຫ້ອງວ່າການປະທານປະເທດ, ຫົວໜ້າຄະນະຊີ້ນຳກ່ຽວກັບສິດທິມະນຸດແຫ່ງຊາດລາວ ພົງສະຫວັດ ບຸບຜາ ເປັນຫົວໜ້າຄະນະ, ມາຢ້ຽມຢາມ ແລະ ເຮັດວຽກຢູ່ຫວຽດນາມ. ສອງຝ່າຍໄດ້ປຶກສາຫາລື, ແລກປ່ຽນບັນດາມາດຕະການ ເພື່ອແນໃສ່ຊຸກຍູ້ວຽກງານກ່ຽວກັບສິດທິມະນຸດ, ປະກອບສ່ວນປົກປັກຮັກສາຄວາມສະຫງົບແຫ່ງຊາດ, ຮັກສາສະຖຽນລະພາບດ້ານການເມືອງຂອງແຕ່ລະປະເທດ.
ທ່ານຮອງລັດຖະມົນຕີ ໂຕເລິມ ເຊື່ອໝັ້ນວ່າ: ໃນໄລຍະທີ່ຈະມາເຖິງ, ການພົວພັນ ສົມທົບວຽກງານ ລະຫວ່າງກະຊວງຕຳຫຼວດຫວຽດນາມ ກັບຄະນະຊີ້ນຳກ່ຽວກັບສິດທິມະນຸດແຫ່ງຊາດລາວຈະໄດ້ຮັບການຍູ້ແຮງ, ປະກອບສ່ວນເພີ່ມທະວີນ້ຳໃຈມິດຕະພາບ ແລະ ການຮ່ວມມືຮອບດ້ານລະຫວ່າງສອງປະເທດ.