ຄະນະຊີ້ນຳລະດັບລັດ ກ່ຽວກັບ IPU 132 ຈັດວາລະປະຊຸມຄັ້ງທີ 2
(ຄະນະຊີ້ນຳລະດັບລັດກ່ຽວກັບ IPU 132 ຈັດວາລະປະຊຸມຄັ້ງທີ 2)
(vovworld) – ຊີ້ນຳວາລະປະຊຸມໃນຕອນເຊົ້າວັນທີ 29/07, ທ່ານປະທານສະພາແຫ່ງຊາດ ຫງວຽນຊິງຮຸ່ງ ໄດ້ຮຽກຮ້ອງໃຫ້ບັນດາສະມາຊິກຄະນະຊີ້ນຳ ຕິດຕາມແຜນການ, ສືບຕໍ່ກວດກາຄືນບັນດາວຽກງານ, ເນື້ອໃນ ເພື່ອຈັດຕັ້ງກອງປະຊຸມໃຫຍ່ IPU 132 ໃຫ້ສຳເລັດຜົນ. ທ່ານປະທານສະພາແຫ່ງຊາດສະເໜີວ່າ ດ້ວຍບົດບາດເປັນປະເທດເຈົ້າພາບ ຕ້ອງກະກຽມບັນດາເນື້ອໃນດຳເນີນງານຢ່າງລອບຄອບຖີ່ຖ້ວນ, ໂດຍສະເພາະແມ່ນ “ແຈ້ງການຮ່າໂນ້ຍ”; ສຸມໃສ່ໂຄສະນາກ່ຽວກັບປະເທດຊາດ ແລະ ຊາວຫວຽດນາມ ທີ່ຮັກຫອມສັນຕິພາບ. ຜ່ານກອງປະຊຸມໃຫຍ່, ໂຄສະນາບັນດາຜົນງານດ້ານເສດຖະກິດເຊິ່ງຫວຽດນາມ ບັນລຸໄດ້ ກໍ່ຄືບົດບາດສະພາແຫ່ງຊາດຫວຽດນາມ ເປັນຕົວແທນຂອງປະຊາຊົນ, ມານະພະຍາຍາມປະກອບສ່ວນເຂົ້າໃນຈຸດໝາຍອັນສູງສົ່ງແມ່ນເພື່ອສັນຕິພາບ, ພັດທະນາໃນໂລກ. ທ່ານປະທານສະພາແຫ່ງຊາດຫງວຽນຊິງຮຸ່ງ ໃສ່ໃຈບັນດາສະມາຊິກຄະນະຊີ້ນຳ ກະກຽມວຽກງານສາທານະສຸກເປັນຢ່າງດີ, ຮັບປະກັນຄວາມສະຫງົບປອດໄພໃຫ້ແກ່ບັນດາຄະນະຜູ້ແທນສາກົນ.