(vovworld) - ໃນໄລຍະຈະມາເຖິງ, ເຂດໄຕບັກ ໝາຍເຖິງເຂດຕາເວັນຕົກສ່ຽງເໜືອ ຄວນເອົາໃຈໃສ່ເຖິງ 3 ບັນຫາຕົ້ນຕໍ່ນັ້ນແມ່ນ, ພັດທະນາການປູກຕົ້ນຢາງພາລາ, ຄຸ້ມຄອງ; ຂຸດຄົ້ນແຮ່ເທດ ແລະ ຮັບປະກັນຄວາມເປັນລະບຽບຮຽບຮ້ອຍໃນເຂດ. ນີ້ແມ່ນເນື້ອໃນຊີ້ນຳໂດຍທ່ານຮອງນາຍົກລັດຖະມົນຕີຫວຽດນາມ ຫງວຽນຊວນຟຸ໋ກ, ຫົວໜ້າຄະນະຊີ້ນຳເຂດຕາເວັນຕົກສ່ຽງເໜືອ ໄດ້ເນັ້ນໜັກເຖິງໃນການເຮັດວຽກກ່ຽວກັບການຜັນຂະຫຍາຍໜ້າທີ່ປີ 2013 ຂອງຄະນະຊີ້ນຳເຂດຕາເວັນຕົກສ່ຽງເໜືອ, ເຊິ່ງດຳເນີນໄປໃນຕອນເຊົ້າວັນທີ 14/01, ຢູ່ນະຄອນລາວກາຍ. ທ່ານຮອງນາຍົກລັດຖະມົນຕີ ຫງວຽໜຊວນຟຸ໋ກ ຖືວ່າ, ໃນໄລຍະຜ່ານມາ, ຄະນະຊີ້ນຳເຂດຕາເວັນຕົກສ່ຽງເໜືອໄດ້ເສີມຂະຫຍາຍບົດບາດຂອງອົງການເສນາທິການເປັນຢ່າງດີ, ຊ່ວຍໃຫ້ກົມການເມືອງ, ຄະນະເລຂາສູນກາງພັກ ແລະ ນາຍົກລັດຖະມົນຕີ ກ່ຽວກັບບັນດາບັນຫາທີ່ກ່ຽວຂ້ອງເຖິງການພັດທະນາເຂດຕາເວັນຕົກສ່ຽງເໜືອ. ຄຽງຂ້າງນັ້ນ, ຄະນະຊີ້ນຳເຂດຕາເວັນຕົກສ່ຽງເໜືອ ໄດ້ສົມທົບກັບກັບບັນດາກະຊວງ, ຂະແໜງການ ແລະ ທ້ອງຖິ່ນຕ່າງໆຢ່າງແໜ້ນແຟ້ນ ເພື່ອຍົກອອກມາດຕະການແກ້ໄຂຄວາມຫຍຸ້ງຍາກ, ຂໍ້ຕິດຂັດເທື່ອລະກ້າວ, ເພື່ອຊ່ວຍໃຫ້ທ້ອງຖິ່ນຕ່າງໆພັດທະນາເສດຖະກິດ, ສັງຄົມ ແລະ ຮັບປະກັນການປ້ອງກັນຊາດ ປ້ອງກັນຄວາມສະຫງົບໃນບໍລິເວນແຂວງ.