ຄະນະຕິດຕາມກວດກາຂອງຄະນະປະຈຳສະພາແຫ່ງຊາດຜັນຂະຫຍາຍແຜນຕິດຕາມກວດກາ
ຄະນະຕິດຕາມກວດກາຜັນຂະຫຍາຍການຕິດຕາມກວດກາຫົວເລື່ອງ “ ການປະຕິບັດນະໂຍບາຍ, ກົດໝາຍກ່ຽວກັບການຫຼຸດຜ່ອນຄວາມທຸກຍາກໄລຍະ 2005-2012”
|
(Vovworld)- ຕອນບ່າຍວັນທີ 14/9, ກຳມາທິການບັນດາບັນຫາສັງຄົມຂອງສະພາແຫ່ງຊາດຫວຽດນາມ ໄດ້ດຳເນີນກອງປະຊຸມຜັນຂະຫຍາຍ ແລະ ປຶກສາຫາລືແຜນການລະອຽດກ່ຽວກັບປະຕິບັດມະຕິຂອງຄະນະປະຈຳສະພາແຫ່ງຊາດ ຫວຽດນາມຊຸດທີ 13 ວ່າດ້ວຍການແຕ່ງຕັ້ງຄະນະຕິດຕາມກວດກາຫົວເລື່ອງ “ ການປະຕິບັດນະໂຍບາຍ, ກົດໝາຍກ່ຽວກັບການຫຼຸດຜ່ອນຄວາມທຸກຍາກໄລຍະ 2005-2012” ລາຍການຕິດຕາມກວດກາເພື່ອແນໃສ່ຕີລາຄາບັນດາໝາກຜົນທີ່ບັນລຸມາໄດ້ ແລະ ຍັງບໍ່ທັນສາມາດບັນລຸ, ສາຍເຫດ, ຄວາມຫຍຸ້ງຍາກ, ສິ່ງຄ້າງຄາ ແລະ ບາງບົດຮຽນຈາກພຶດຕິກຳຕົວຈິງ. ພ້ອມກັນນັ້ນ ກໍຮັບຮອງເອົາແຜນງານຕິດຕາມກວດກາເພື່ອສະເໜີວິທີການແກ້ໄຂຍົກສູງປະສິດທິຜົນການປະຕິບັດ ນະໂຍບາຍ, ກົດໝາຍກ່ຽວກັບການຫຼຸດຜ່ອນຄວາມທຸກຍາກ, ນຳສະເໜີການກໍ່ສ້າງ, ດັບແປງ, ເພີ່ມເຕີມ ນະໂຍບາຍ, ກົດໝາຍທີ່ກ່ຽວຂ້ອງ. ຮູບການຕິດຕາມກວດກາແມ່ນ ກຳມາທິການບັນດາບັນຫາສັງຄົມຂອງສະພາແຫ່ງຊາດຫວຽດນາມ ແຕ່ງຕັ້ງ 5 ຄະນະຕິດຕາມກວດກາບັນດາອົງການສຳນັກງານທີ່ກ່ຽວຂ້ອງ ແລະ ຢູ່ທ້ອງຖິ່ນຈຳນວນໜ່ຶງ ເພື່ອຕີລາຄາການປະຕິບັດ ນະໂຍບາຍ, ກົດໝາຍກ່ຽວກັບການຫຼຸດຜ່ອນຄວາມທຸກຍາກ, ແນະນຳບັນດາຄະນະ ສ.ສ.ຊ ທ້ອງຖິ່ນຈັດຕັ້ງການ ຕິດຕາມກວດກາ, ຈັດບາງກອງປະຊຸມ, ການສຳມະນາຫົວເລື່ອງກ່ຽວກັບການຫຼຸດຜ່ອນຄວາມທຸກຍາກ...