(vovworld) – ເພື່ອແນໃສ່ເພີ່ມທະວີສາຍພົວພັນສາມັກຄີ, ມິດຕະພາບລະຫວ່າງກອງທັບປະຊາຊົນ ຫວຽດນາມ ແລະ ກອງທັບບັນດາປະເທດປະຈຳ ຫວຽດນາມ, ແຕ່ວັນທີ 24 – 30/6, ຄະນະທູດການທະຫານບັນດາປະເທດປະຈຳ ຫວຽດນາມ ໄດ້ໄປຢ້ຽມຢາມ ແລະ ເຮັດວຽກກັບບາງກົມກອງທະຫານ ແລະ ທ້ອງຖິ່ນທາງພາກກາງ. ຄະນະທູດການທະຫານບັນດາປະເທດປະຈຳ ຫວຽດນາມ ຈະເຂົ້າຢ້ຽມຄຳນັບການນຳແຂວງ ແຄ໋ງຮ່ວາ, ໄປຢ້ຽມຢາມກອງບັນຊາການທະຫານແຂວງ ແຄ໋ງຮ່ວາ ແລະ ວິທະຍາຄານທະຫານເຮືອ, ໂຮງຮຽນນາຍທະຫານກອງທັບອາກາດ, ໄປຢ້ຽມຢາມກອງບັນຊາການທະຫານແຂວງ ເລີມດົ່ງ ແລະ ວິທະຍາຄານທະຫານບົກ... ການຢ້ຽມຢາມຄັ້ງນີ້ຂອງຄະນະທູການທະຫານບັນດາປະເທດປະຈຳ ຫວຽດນາມປະກອບສ່ວນຢ່າງຕັ້ງໜ້າເຂົ້າໃນການກໍ່ສ້າງ, ປັບປຸງສາຍພົວພັນຄວາມເຂົ້າອົກເຂົ້າໃຈ, ໄວ້ເນື້ອເຊື່ອໃຈເຊິ່ງກັນ ແລະ ກັນລະຫວ່າງກອງທັບປະຊາຊົນ ຫວຽດນາມ ກັບກອງທັບ ແລະ ກຳລັງປະກອບອາວຸດບັນດາປະເທດໃນໂລກ.