(ຄະນະນັກຂ່າວສາກົນທີ່ມາຢ້ຽມຢາມ
ວິທະຍຸກະຈາຍສຽງ ຫວຽດນາມ)
(vovworld) - ວັນທີ 25/01, ຄະນະນັກຂ່າວສາກົນທີ່ມາຈາກໜັງສືພິມປະຊາຊົນຂອງ ລາວ, ໜັງສືພິມ Brochichuon ຂອງພັກປະຊາຊົນ ກຳປູເຈຍ, ໜັງສືພິມ L Humaniteຂອງພັກກອມມູນິດ ຝະລັ່ງ ໄດ້ມາຢ້ຽມຢາມ ວິທະຍຸກະຈາຍສຽງ ຫວຽດນາມ (VOV). ທີ່ການຕ້ອນຮັບທ່ານ ຫວູຫາຍ ຮອງຜູ້ອຳນວຍການໃຫຍ່ VOV ເນັ້ນໜັກວ່າ:
“VOV ໄດ້ມີການພົວພັນຮ່ວມມືກັບກ່ວາ 50 ອົງການກະຈາຍສຽງ, ໂທລະພາບໃນໂລກ ແລະ ພາກພື້ນ. VOV ກໍ່ແມ່ນສະມາຊິກທີ່ຕັ້ງໜ້າຂອງ ABU, AIBD, CIRTEF ກໍ່ໄດ້ຮັບຫລາຍລາງວັນກ່ຽວກັບການກະຈາຍສຽງຂອງອົງການເຫຼົ່ານີ້. ພວກຂ້າພະເຈົ້າ ກໍ່ໄດ້ແລກປ່ຽນຫລາຍລາຍການກະຈາຍສຽງ ໂທລະພາບກັບບັນດາປະເທດໃນໂລກ”.
ສ່ວນບັນດານັກຂ່າວຕ່າງປະເທດໃຫ້ຮູ້ວ່າ: ມີຄວາມປະທັບໃຈກ່ຽວກັບໂສມໜ້າໃໝ່ຂອງ ຫວຽດນາມ ພາຍຫລັງການປະຕິຮູບເປີດປະຕູເປັນເວລາຫລາຍປີ. ບັນດານັກຂ່າວມີຄວາມສົນໃຈເຖິງຮູບແບບການຈັດຕັ້ງ ແລະ ການເຄື່ອນໄຫວຂອງ VOV ພ້ອມທັງຕີລາຄາສູງການພັດທະນາຂອງ VOV ໃນໄລຍະຜ່ານມາ.