ຄະນະນັກຮົບເກົ່າ ເຈື່ອງເຊີນພົບປະແລກປ່ຽນ ກັບຊາວຫວຽດນາມ ອາໄສຢູ່ລາວ
(ນັກຮົບເກົ່າ ເຈື່ອງເຊີນ
ກັບຄືນເມືອສະໜາມຮົບເກົ່າຢູ່ລາວ)
(vovworld) – ຕອນຄໍ່າວັນທີ 07/09, ຢູ່ນະຄອນຫຼວງວຽງຈັນ, ປະເທດລາວ, ຄະນະນັກຮົບເກົ່າ ເຈື່ອງເຊີນ (ໝາຍເຖິງສາຍພູຫຼວງ) ໂດຍພົນຈັດຕະວາ ຮ່ວາງກ່ຽນ, ອະດີດຜູ້ບັນຊາເຫຼົ່າທັບຊ່າງແສງ ແລະ ພັນເອກ ດັ້ງກົງຮີນ, ອະດີດຮອງຜູ້ບັນຊາການພົນລະພາກຫຼວງ 12 ທະຫານ ເຈື່ອງເຊີນ ນຳໜ້າ ກັບຄືນເມືອສະໜາມຮົບເກົ່າຢູ່ລາວ ໄດ້ມີການພົບປະແລກປ່ຽນກັບພໍ່ແມ່ປະຊາຊົນຊາວຫວຽດນາມ ສັງກັດ ສະໂມສອນຮ່ວມບ້ານ ທີ່ຊຽງຂວາງ. ພັນເອກ ດັ້ງກົງຮີນ ໄດ້ຫວນຄືນບັນດາຊຸມເດືອນປີ “ເປີດເສັ້ນທາງ ເຈື່ອງເຊີນ ເພື່ອກູ້ຊາດ” ເມື່ອທ່ານ ພ້ອມກັບ ເພື່ອນຮ່ວມກົມກອງ ຍາມໃດກໍ່ໄດ້ຮັບຄວາມເອົາໃຈໃສ່ຈາກພັກ, ລັດ, ກອງທັບ ແລະ ປະຊາຊົນລາວ, ພິເສດໄດ້ຮັບຄວາມເອົາໃຈໃສ່ ແລະ ບັນດາອາລົມຈິດຄວາມຮັກແພງອັນລ້ຳຄ່າຈາກພໍ່ແມ່ປະຊາຊົນຫວຽດນາມ ອາໄສຢູ່ລາວ. ງານພົບປະແລກປ່ຽນຖືກດຳເນີນໄປຢ່າງຕື້ນຕັນໃຈ, ເຕັມໄປດ້ວຍນ້ຳໃຈມິດຕະພາບຫວຽດນາມ - ລາວ, ພ້ອບກັນບັນດາບົດເພງຍ້ອງຍໍບ້ານເກີດເມືອງນອນ, ຍ້ອງຍໍພັກ, ປະທານໂຮ່ຈິມິນ ແລະ ສາຍພົວພັນລະຫວ່າງຫວຽດນາມ - ລາວ ທີ່ສັດຊື່ບໍລິສຸດຜຸດຜ່ອງ.