(vovworld) -ຕອນບ່າຍວັນທີ 12/2, ຄະນະຕິດຕາມກວດກາຂອງຄະນະປະຈຳສະພາແຫ່ງຊາດຫວຽດນາມໄດ້ເຮັດວຽກກັບກະຊວງການເງິນກ່ຽວກັບການຈັດແຈ່ງແຫຼ່ງ ກຳລັງການເງິນ-ງົບປະມານ ແລະ ກົນໄກຄຸ້ມຄອງ, ນຳໃຊ້, ກວດກາ, ຕິດຕາມກວດກາແຫຼ່ງທຶນປະຕິບັດບັນດານະໂຍບາຍ, ກົດໝາຍຫຼຸດຜ່ອນຄວາມທຸກຍາກໄລຍະ 2005-2012. ບົດລາຍງານຕີລາຄາຂອງກະຊວງການເງິນໄດ້ມີຄວາມຕັ້ງໜ້າຫຼາຍຢ່າງໃນການເຂົ້າຮ່ວມສ້າງ ແລະ ປະກາດໃຊ້ບັນດານະໂຍບາຍຕາມສິດອຳນາດກ່ຽວກັບການລົບລ້າງຄວາມອຶດຫິວຫຼຸດຜ່ອນຄວາມທຸກຍາກ. ຄະນະຕິດຕາມກວດກາຂອງຄະນະປະຈຳສະພາແຫ່ງຊາດຫວຽດນາມໄດ້ ສະເໜີ ກະຊວງການເງິນຄວນເພີ່ມເຕີມ, ເຮັດແຈ້ງຕື່ມກ່ຽວກັບບັນດາຂໍ້ມູນ, ໄຈ້ແຍກບັນດາຂໍ້ຄວາມຈຳກັດທີ່ສົ່ງຜົນສະທ້ອນເຖິງວຽກງານຫຼຸດຜ່ອນຄວາມທຸກຍາກ; ຄວນສືບຕໍ່ນຳສະເໜີບັນດາວິທີການແກ້ໄຂແນໃສ່ຈັດແຈ່ງແຫຼ່ງທຶນຢ່າງສົມເຫດສົມຜົນປະຕິບັດບັນດານະໂຍບາຍ ຫຼຸດຜ່ອນຄວາມທຸກຍາກ.
ກ່ອນໜ້ານັ້ນ, ທີ່ການເຮັດວຽກກັບກະຊວງແຮງງານ, ທະຫານເສຍອົງຄະ ແລະ ສັງຄົມ
ໃນວັນທີ 11/02, ຄະນະຕິດຕາມກວດກາຂອງຄະນະປະຈຳສະພາແຫ່ງຊາດ ໃຫ້ຂໍ້ສັງເກດວ່າ, ນະໂຍບາຍກົດໝາຍກ່ຽວກັບການຫຼຸດຜ່ອນຄວາມທຸກຍາກ, ໄລຍະ 2005 – 2012, ບັນລຸໄດ້ຢ່າງມີປະສິດທິຜົນໂດຍພື້ນຖານ, ອັດຕາຄອບຄົວທຸກຍາກໃນທົ່ວປະເທດໄດ້ຫຼຸດລົງຢ່າງວ່ອງໄວ, ພິເສດແມ່ນຢູ່ບັນດາຕາແສງ, ເມືອງທຸກຍາກຢູ່ເຂດຫ່າງໄກຊອກຫຼິກ, ເຂດຊົນເຜົ່າສ່ວນໜ້ອຍ.
ຄະນະຕິດຕາມກວດກາຂອງຄະນະປະຈຳສະພາແຫ່ງຊາດ ໄດ້ສະເໜີໃຫ້ກະຊວງແຮງງານ, ທະຫານເສຍອົງຄະ ແລະ ສັງຄົມ ສົມທົບກັບບັນດາກະຊວງ, ຂະແໜງກໍ່ສ້າງ, ຈັດຕັ້ງບັນດາເອກະສານນະໂຍບາຍຄືນໃໝ່ ເພື່ອຈັດແບ່ງຂັ້ນໃຫ້ທ້ອງຖິ່ນໃນການກວດຕີລາຄາຄອບຄົວທຸກຍາກ, ວາງນະໂຍບາຍ ເພື່ອຕອບສະໜອງບັນດາຄວາມຕ້ອງການໂດຍພື້ນຖານຂອງປະຊາຊົນ. ຄະນະຕິດຕາມກວດກາຂອງຄະນະປະຈຳສະພາແຫ່ງຊາດ ກໍ່ຖືວ່າ, ຄຽງຂ້າງການສົມທົບກັນນະໂຍບາຍຕ່າງໆ, ກະຊວງແຮງງານ, ທະຫານເສຍອົງຄະ ຕ້ອງຄົ້ນຄວ້າ ສົມທົບບັນດານະໂຍບາຍໃຫ້ເໝາະສົມ ເພື່ອຊ່ວຍໃຫ້ປະຊາຊົນ ຍົກສູງປະສິດທິຜົນແຫ່ງການຜະລິດ, ຫຼຸດຜົ້ນອອກຈາກຄວາມທຸກຍາກຢ່າງວ່ອງໄວ ແລະ ໝັ້ນຄົງ.