ຄະນະປະຈຳສະພາ ແຫ່ງຊາດປຶກສາຫາລື ກ່ຽວກັບການປ່ຽນໃໝ່ລາຍການ, ປື້ມຕຳລາຮຽນ
ທ່ານຮອງລັດຖະມົນຕີກະຊວງສຶກສາ ແລະ ບຳລຸງສ້າງ ຫວຽດນາມ ຫງວຽນວີງຫຽນ
(ພາບ: Phạm Thịnh)
(vovworld) – ຕອນເຊົ້າວັນທີ 14/4, ກອງປະຊຸມຄັ້ງທີ 27, ຄະນະປະຈຳສະພາແຫ່ງຊາດ ຫວຽດນາມ ຊຸດທີ 13 ຖືກໄຂຂຶ້ນຢ່າງເປັນທາງການ. ກ່າວຄຳເຫັນທີ່ວາລະໄຂ, ທ່ານປະທານສະພາແຫ່ງຊາດ ຫງວຽນຊິງຮູ່ງ ຢືນຢັນວ່າ: ນີ້ແມ່ນວາລະປະຊຸມສຳຄັນ ກະກຽມໃຫ້ກອງປະຊຸມສະໄໝສາມັນເທື່ອທີ 7, ສະພາແຫ່ງຊາດຊຸດທີ 13. ໃນໄລຍະເວລາ ເຮັດວຽກມາເປັນເວລາ 10 ວັນ, ທ່ານປະທານສະພາແຫ່ງຊາດສະເໜີໃຫ້ບັນດາສະມາຊິກຄະນະປະຈຳສະພາແຫ່ງຊາດ ສຸມໃສ່ປະກອບຄຳເຫັນເຂົ້າໃນບັນດາຮ່າງກົດໝາຍ, ກໍ່ຄືກວດກາເພື່ອໃຫ້ບັນດາຮ່າງກົດໝາຍທີ່ຍື່ນສະເໜີຕໍ່ສະພາແຫ່ງຊາດບັນລຸຄຸນນະພາບສູງສຸດ.
ຕໍ່ຈາກນັ້ນ, ບັນດາຜູ້ແທນໄດ້ປະກອບຄຳເຫັນກ່ຽວກັບການປ່ຽນໃໝ່ລາຍການ, ປື້ມຕຳລາຮຽນຂັ້ນມັດທະຍົມ. ຜູ້ແທນຫຼາຍທ່ານໄດ້ສະເໜີຕໍລັດຖະບານ, ກະຊວງສຶກສາ ແລະ ບຳລຸງສ້າງຄວນມີບົດລາຍງານສະຫລຸບ, ຕີລາຄາ ກ່ຽວກັບມະຕິເລກທີ 40 ຂອງສະພາແຫ່ງຊາດທີ່ປະກາດໃຊ້ເມື່ອປີ 2000 ກ່ຽວກັບການປ່ຽນໃໝ່ລາຍການສຶກສາຂັ້ນມັດຕະຍົມ.
ທ່ານຮອງລັດຖະມົນຕີກະຊວງສຶກສາ ແລະ ບຳລຸງສ້າງ ຫວຽດນາມ ຫງວຽນວີງຫຽນ ຢືນຢັນວ່າ: ລາຍການປ່ຽນໃໝ່ປື້ມຕຳລາຮຽນຕາມມະຕິຂອງສະພາແຫ່ງຊາດໄດ້ຕອບສະໜອງຄຳຮຽກຮ້ອງຕ້ອງການ ແລະ ຈຳເປັນຕ້ອງປະກາດໃຊ້ມະຕິກ່ຽວກັບການປ່ຽນໃໝ່ລາຍການ, ປື້ມຕຳລາຮຽນຂັ້ນມັດທະຍົມ. ຕາມທ່ານ ຫງວຽນວີງຫຽນ ແລ້ວ, “ແຜນຮ່າງປ່ຽນໃໝ່ລາຍການ, ປື້ມຕຳລາຮຽນຂັ້ນມັດທະຍົມຫຼັງປີ 2015” ມີຄວາມສາມາດເປັນໄປໄດ້ ແລະ ຕ້ອງການລົງທຶນ 35.000 ຕື້ດົ່ງ. ຫົວໜ້າກຳມາທິການກົດໝາຍຂອງສະພາແຫ່ງຊາດ ຟານຈູງຫຼີ ປະກອບຄຳເຫັນວ່າ:
“ແຜນຮ່າງປ່ຽນໃໝ່ປື້ມຕຳລາຮຽນທີ່ກ່ຽວຂ້ອງ, ໄດ້ສົ່ງຜົນກະທົບອັນໃຫຍ່ຫຼວງເຖິງຊີວິດການເປັນຢູ່ຂອງປະຊາຊົນ. ເພື່ອໃຫ້ສະພາແຫ່ງຊາດພິຈາລະນາ ແລະ ຮັບຮອງເອົາ, ຂ້າພະເຈົ້າສະເໜີກະກຽມຢ່າງຄົບຖ້ວນກ່ວາ. ຮັບເອົາຄຳເຫັນຢ່າງກ້ວາງແຂວາງກ່ວາ, ພິເສດແມ່ນບັນດານັກຊ່ຽວຊານໃນຂົງເຂດການສຶກສາ, ຄວນຮັບເອົາຄຳເຫັນຂອງປະຊາຊົນ”