(vovworld) - ໂດຍສືບຕໍ່ວາລະປະຊຸມຄັ້ງທີ 27, ຕອນເຊົ້າວັນທີ 15/04, ຄະນະປະຈຳສະພາແຫ່ງຊາດໄດ້ໃຫ້ຄຳເຫັນໃສ່ຮ່າງກົດໝາຍວ່າດ້ວຍການຈັດຕັ້ງສະພາແຫ່ງຊາດ (ສະບັບປັບປຸງ). ປະກອບຄຳເຫັນໃສ່ຮ່າງກົດໝາຍດັ່ງກ່າວ, ບັນດາສະມາຊິກສະພາແຫ່ງຊາດສະເໜີ ຕ້ອງກຳນົດທີ່ຕັ້ງດ້ານກົດໝາຍຂອງບັນດາຄະນະສະມາຊິກສະພາແຫ່ງຊາດຢ່າງຈະແຈ້ງ. ຕາມບັນດາສະມາຊິກສະພາແຫ່ງຊາດແລ້ວ, ຕ້ອງຍົກສູງບົດບາດ, ທີ່ຕັ້ງເພື່ອໃຫ້ຄະນະສະມາຊິກສະພາແຫ່ງຊາດ ເປັນເຈົ້າການກວ່າໃນການປະຕິບັດບັນດາໜ້າທີ່ກ່ຽວກັບການສ້າງກົດໝາຍ, ຕິດຕາມກວດກາ, ຮັບ, ແກ້ໄຂການຮ້ອງຟ້ອງ, ຮ້ອງທຸກ, ຂໍ້ສະເໜີຂອງຜູ້ມີສິດເລືອກຕັ້ງຢູ່ຂັ້ນທ້ອງຖິ່ນ. ມີຄຳເຫັນສະເໜີເພີ່ມສິດອຳນາດໃຫ້ຫົວໜ້າຄະນະສະມາຊິກສະພາແຫ່ງຊາດ. ຈຸດໃໝ່ຂອງຮ່າງກົດໝາຍນັ້ນແມ່ນ “ພົນລະເມືອງສາມາດເຂົ້າຮ່ວມບັນດາວາລະປະຊຸມເປີດຂອງສະພາແຫ່ງຊາດ”.
ກ່ຽວກັບໂຄງປະກອບການຈັດຕັ້ງຂອງສະພາຊົນເຜົ່າ, ກຳມາທິການສະພາແຫ່ງຊາດ (ມາດຕາທີ 72), ທ່ານປະທານສະພາຊົນເຜົ່າຂອງສະພາແຫ່ງຊາດ ກຊໍເຟືອກ ຖືວ່າ, ຕ້ອງກວດກາຄືນໂຄງປະກອບຂອງສະພາຊົນເຜົ່າ ເພື່ອໃຫ້ອົງການດັ່ງກ່າວຕາງໜ້າໃຫ້ສຽງເວົ້າຂອງບັນດາເຜົ່າ, ເພີ່ມຈຳນວນສະມາຊິກສະພາແຫ່ງຊາດເປັນຊາວຊົນເຜົ່າສ່ວນໜ້ອຍເຂົ້າຮ່ວມສະພາປະຊາຊົນ.