ຄະນະປະຈຳສະພາແຫ່ງຊາດ ຕົກລົງນຳໃຊ້ 12.100 ຕື້ດົ່ງ ຈາກງົບປະມານ ເພື່ອຊື້ວັກຊິນກັນພະຍາດໂຄວິດ - 19
(VOVWORLD) -ຄະນະປະຈຳສະພາແຫ່ງຊາດ ຫວຽດນາມ ໄດ້ຕົກລົງນຳໃຊ້ 12.100 ຕື້ດົ່ງ ຈາກງົບປະມານປະຢັດໃນປີ 2020 ເພື່ອຊື້ວັກຊິນຕ້ານໂລກລະບາດໂຄວິດ - 19.
 ງວດວັກຊິນທຳອິດຈາກ COVAX Facility ມາຮອດ ຫວຽດນາມ ໃນວັນທີ 1/4/2021 (ພາບ: TTXVN) |
ວັນທີ 18 ພຶດສະພາ, ທ່ານປະທານສະພາແຫ່ງຊາດ ເວືອງດິ່ງເຫວ້ ໄດ້ເຊັນປະກາດໃຊ້ມະຕິຂອງຄະນະປະຈຳສະພາແຫ່ງຊາດ ກ່ຽວກັບການນຳໃຊ້ແຫຼ່ງງົບປະມານປະຢັດ ແລະ ລາຍຈ່າຍທີ່ຍັງເຫຼືອໃນງົບປະມານສູນກາງປີ 2020. ຕາມນັ້ນແລ້ວ, ຄະນະປະຈຳສະພາແຫ່ງຊາດ ຫວຽດນາມ ໄດ້ຕົກລົງນຳໃຊ້ 12.100 ຕື້ດົ່ງ ຈາກງົບປະມານປະຢັດໃນປີ 2020 ເພື່ອຊື້ວັກຊິນຕ້ານໂລກລະບາດໂຄວິດ - 19.
ຕາມມະຕິສະບັບດັ່ງກ່າວແລ້ວ, ຄະນະປະຈຳສະພາແຫ່ງຊາດ ໄດ້ມອບໝາຍໃຫ້ລັດຖະບານ ຊີ້ນຳບັນດາກະຊວງ, ຂະແໜງການສູນກາງ ແລະ ທ້ອງຖິ່ນ ຜັນຂະຫຍາຍການຊື້ວັກຊິນກັນພະຍາດໂຄວິດ - 19 ຢ່າງວ່ອງໄວ, ຮັບປະກັນປະສິດທິຜົນ, ຄວາມປອດໄພໃຫ້ແກ່ປະຊາຊົນ ແລະ ທົ່ວສັງຄົມ.