ຄະນະປະຈຳສະພາແຫ່ງຊາດ ແລະ ສູນກາງແນວໂຮມປະເທດຊາດ ຫວຽດນາມ ສົມທົບກັນປະຕິບັດງານ
(ພາບປະກອບ:daibieunhandan.vn)
(vovworld) - ຕອນເຊົ້າວັນທີ 6/3, ຢູ່ຮ່າໂນ້ຍ, ທ່ານປະທານສະພາແຫ່ງຊາດຫວຽດນາມ ຫງວຽນຊິງຮຸ່ງ ພ້ອມກັບທ່ານປະທານຄະນະປະທານຄະນະກຳມະການ ສູນກາງແນວໂຮມປະເທດຊາດຫວຽດນາມ ຮິງດາມ ໄດ້ເປັນປະທານກອງປະຊຸມຜັນຂະຫຍາຍການປະຕິບັດຂໍ້ກຳນົດສົມທົບກັນປະຕິບັດງານປີ 2013 ລະຫວ່າງຄະນະປະຈຳສະພາແຫ່ງຊາດ ແລະ ຄະນະປະທານຄະນະກຳມະການ ສູນກາງແນວໂຮມປະເທດຊາດຫວຽດນາມ. ກ່ຽວກັບວຽກງານສ້າງກົດໝາຍ, ລັດຖະບັນຍັດປີ 2013, ສອງອົງການສົມທົບກັນສຸມໃສ່ບັນດາຮ່າງກົດໝາຍດຶງດູດຄວາມສົນໃຈພິເສດຂອງປະຊາຊົນຄື: ຮ່າງລັດຖະທຳມະນູນປີ 1992 ສະບັບປັບປຸງ, ຮ່າງກົດໝາຍວ່າດ້ວຍທີ່ດິນສະບັບປັບປຸງ, ກົດໝາຍວ່າດ້ວຍການປະຕິບັດການປະຢັດ, ຕ້ານການຟູມເຟືອຍ, ກົດໝາຍວ່າດ້ວຍການຕ້ອນຮັບພົນລະເມືອງ…ສອງອົງການຍັງສົມທົບກັນຍົກສູງຄຸນນະພາບການເຄື່ອນໄຫວພົບປະກັບສະມາຊິກສະພາແຫ່ງຊາດ. ສອງອົງການສືບຕໍ່ສົມທົບກັນປັບປຸງ, ເປີດກ້ວາງ ແລະ ເພີ່ມທະວີກຸ່ມກ້ອນມະຫາສາມັກຄີທົ່ວປວງຊົນທັງຊາດ.