(vovworld) - ໂດຍສືບຕໍ່ກອງປະຊຸມຄັ້ງທີ 21, ຕອນເຊົ້າວັນທີ 18 ກັນຍາ, ຄະນະປະຈຳສະພາແຫ່ງຊາດ ໄດ້ໃຫ້ຄຳເຫັນໃສ່ບົດລາຍງານຂອງລັດຖະບານ ກ່ຽວກັບວຽກງານປ້ອງກັນ, ຕ້ານການສໍ້ລາດບັງຫຼວງ.
ສະມາຊິກສະພາແຫ່ງຊາດບາງທ່ານຖືວ່າ ເຖິງວ່າບັນລຸໄດ້ບັນດາຜົນງານຢ່າງຕັ້ງໜ້າ ແຕ່ສະພາບສໍ້ລາດບັງຫຼວງຍັງບໍ່ທັນມີສັນຍານຫຼຸດລົງ. ສໍ້ລາດບັງຫຼວງໃນການຄຸ້ມຄອງນຳໃຊ້ທີ່ດິນ, ສິນເຊື່ອທະນາຄານ, ການຄຸ້ມຄອງທຶນ ແລະ ຊັບສົມບັດຢູ່ບາງລັດວິສາຫະກິດ ໄດ້ກໍ່ຄວາມເສຍຫາຍອັນໜັກໜ່ວງທາງດ້ານເສດຖະກິດ. ວຽກງານຄວບຄຸມ, ຄົ້ນພົບ, ແກ້ໄຂການກະທຳສໍ້ລາດບັງຫຼວງບໍ່ທັນຕອບສະໜອງໄດ້ຄວາມຮຽກຮ້ອງຕ້ອງການ. ບັນດາສະມາຊິກສະພາແຫ່ງຊາດ ຖືວ່າ ຕ້ອງໄຈ້ແຍກ, ຕີລາຄາຢ່າງຈະແຈ້ງກວ່າກ່ຽວກັບສະພາບສໍ້ລາດບັງຫຼວງ ອີ່ງໃສ່ວຽກງານສືບສວນ, ສອບສວນ, ບົດລາຍງານຂອງບັນດາຂະແໜງ ແລະ ຫາງສຽງ, ໜັງສືພິມ ເພື່ອສະເໜີບັນດາມາດຕະການປ້ອງກັນ, ຕ້ານໄພສໍ້ລາດບັງຫຼວງຢ່າງມີປະສິດທິຜົນ. ຄຽງຂ້າງນັ້ນ, ຕ້ອງກຳນົດໜ້າທີ່ຮັບຜິດຊອບຂອງບັນດາອົງການປ້ອງກັນ, ຕ້ານໄພສໍ້ລາດບັງຫຼວງ, ຜູ້ນຳໜ້າບັນດາອົງການນີ້. ທ່ານຫົວໜ້າຄະນະກຳມາທິການກົດໝາຍຂອງສະພາແຫ່ງຊາດ ຟານຈູງຫຼີ໋ ສະເໜີ.
“ຜ່ານການໄດ້ຄົ້ນພົບຫຼາຍກໍລະນີ, ແຕ່ການແກ້ໄຂຍັງໜ້ອຍຢູ່. ຂ້າພະເຈົ້າສະເໜີໃຫ້ໄຈແຍກຕື່ມອີກ. ໃນໄລຍະຜ່ານມາ, ຂ້າພະເຈົ້າຕີລາຄາສູງບົດບາດຂອງແນວໂຮມປະເທດຊາດ, ສື່ມວນຊົນໃນການຕໍ່ສູ້, ປ້ອງກັນຕ້ານການສໍ້ລາດບັງຫຼວງ”.
ແລະກໍ່ໃນຕອນບ່າຍວັນທີ 18 ກັນຍາ, ຄະນະປະຈຳສະພາແຫ່ງຊາດ ໄດ້ປຶກສາຫາລື, ໃຫ້ຄຳເຫັນໃສ່ຮ່າງກົດໝາຍ, ປັບປຸງ, ເພີ່ມຕື່ມບາງມາດຕາຂອງກົດໝາຍວ່າດ້ວຍທະບຽນສານ. ບັນດາສະມາຊິກຄະນະປະຈຳສະພາແຫ່ງຊາດ ໄດ້ເຫັນດີກັບແຜນນະໂຍບາຍ ຕ້ອງສືບຕໍ່ຍູ້ແຮງວຽກງານທະບຽນສານດ້ວຍບັນດາມາດຕະການທີ່ວາງອອກໃນຮ່າງກົດໝາຍ. ແຕ່ວ່າ, ມີບາງຄຳເຫັນຖືວ່າ ແຜນນະໂຍບາຍນີ້ ຕ້ອງໄດ້ຮັບການຄົ້ນຄ້ວາ, ກໍ່ສ້າງຂັ້ນຕອນຢ່າງລະອຽດ. ກ່ຽວກັບການຍົກສູງຄຸນນະພາບຖັນແຖວພະນັກງານທະບຽນສານ, ຄຳເຫັນສ່ວນຫຼາຍຂອງບັນດາສະມາຊິກຄະນະປະຈຳສະພາແຫ່ງຊາດລ້ວນແຕ່ ເຫັນດີກັບການປັບປຸງ, ເພີ່ມເຕີມບັນດາຂໍ້ກຳນົດຂອງກົດໝາຍ ເພື່ອແນໃສ່ຍົກສູງຄຸນນະພາບ ແລະ ຮັບປະກັນການພັດທະນາຢ່າງໝັ້ນຄົງຂອງຖັນແຖວພະນັກງານທະບຽນສານ. ໂດຍລະອຽດແມ່ນ, ກຳນົດທີ່ຕັ້ງດ້ານກົດໝາຍຂອງພະນັກງານທະບຽນສານ; ໜ້າທີ່ຮັບຜິດຊອບຂອງພະນັກງານທະບຽນສານ ກ່ຽວກັບການເຄື່ອນໄຫວດຳເນີນອາຊີບຂອງຕົນ; ຍົກສູງຄວາມຮຽກຮ້ອງຕ້ອງການສຳລັບມາດຖານພະນັກງານທະບຽນສານ; ປັບປຸງຂໍ້ກຳນົດກ່ຽວກັບການບຳລຸສ້າງ ແລະ ການຝຶກງານ; ເຮັດແຈ້ງໜ້າທີ່ຮັບຜິດຊອບຂອງພະນັກງານທະບຽນສານ, ປະກັນໄພຄວາມຮັບຜິດຊອບໜ້າທີ່ອາຊີບໃຫ້ແກ່ພະນັກງານທະບຽນສານ.