(vovworld) - ໂດຍສືບຕໍ່ວາລະປະຊຸມຄັ້ງທີ 27, ຕອນເຊົ້າວັນທີ 21/04, ຄະນະປະຈຳສະພາແຫ່ງຊາດໄດ້ໃຫ້ຄຳເຫັນໃສ່ຮ່າງກົດໝາຍປັບປຸງ, ເພີ່ມເຕີ່ມບາງຂໍ້ມາດຕາຂອງກົດໝາຍວ່າດ້ວຍການຈັດຕັ້ງການປະຕິບັດຄຳຕັດສິນຂອງສານພົນລະເຮືອນ, ເຊິ່ງຈະຍື່ນສະເໜີຕໍ່ກອງປະຊຸມສະພາແຫ່ງຊາດໃນເດືອນ 05 ຈະມາເຖິງ.
ກ່າວຄຳເຫັນສະຫຼຸບວາລະປະຊຸມ, ທ່ານຮອງປະທານສະພາແຫ່ງຊາດ ອວງຈູລິວ ຖືວ່າ, ການປັບປຸງແມ່ນຈຳເປັນ ເພື່ອແກ້ໄຂບັນດາສິ່ງທີ່ຍັງຄົງຄ້າງຂອງກົດໝາຍທີ່ພວມປະກາດໃຊ້, ພ້ອມທັງຍົກສູງການປະຕິບັດຄຳຕັດສິນຂອງສານ, ອຳນາດນິຕິບັນຍັດໃນການປະຕິບັດຄຳຕັດສິນຂອງສານພົນລະເຮືອນ ເພື່ອຫຼຸດຜ່ອນບັນດາຄະດີທີ່ຍັງຄົງຄ້າງ. ທ່ານຮອງປະທານສະພາແຫ່ງຊາດ ອວງຈູລິວ ເນັ້ນໜັກວ່າ ຕ້ອງກຳນົດໜ້າທີ່ຂອງສານ ແລະ ຄະນະກຳມະການປະຊາຊົນໃນການປະຕິບັດຄຳຕັດສິນຂອງສານພົນລະເຮືອນຢ່າງຈະແຈ້ງ, ໃນນັ້ນເພີ່ມຄວາມຮັບຜິດຊອບຂອງຄະນະກຳມະການປະຊາຊົນ. ຄຽງຂ້າງນັ້ນ, ຕ້ອງມີກົນໄກສົມທົບກັນລະຫວ່າງ 2 ຝ່າຍ ເພື່ອໃຫ້ຄຳຕັດສິນຂອງສານໄດ້ຮັບການປະຕິບັດຖືກຕາມກົດໝາຍ. ກ່ຽວກັບການກວດກາຄວາມຮັບຜິດຊອບໃນການປະຕິບັດຄຳຕັດສິນຂອງສານ, ທ່ານຮອງປະທານສະພາແຫ່ງຊາດ ອວງຈູລິວ ຊີ້ແຈ້ງວ່າ ຮ່າງກົດໝາຍຄວນກຳນົດອົງການ, ອົງການຈັດຕັ້ງໄດ້ປະຕິບັດຄຳຕັດສິນຂອງສານສຳລັບບ້ວງເງິນ, ຊັບສິນຂອງລັດ ເພື່ອແນໃສ່ຮັບປະກັນຜົນປະໂຫຍດຂອງລັດ ແລະ ແກ້ໄຂບັນດາສິ່ງທີ່ຍັງຄົງຄ້າງຈາກສະພາບຕົວຈິງ.