ຄະນະປະຈຳສະພາແຫ່ງຊາດຕິດຕາມກວດກາວຽກງານຫລຸດຜ່ອນຄວາມທຸກຍາກຢູ່ຮ່າຢາງ
ຄະນະປະຈຳສະພາແຫ່ງຊາດຕິດຕາມກວດກາວຽກງານຫລຸດຜ່ອນຄວາມທຸກຍາກຢູ່ຮ່າຢາງ
(ພາບ: Minh Tâm/Vietnam+)
(vovworld) – ກ່າວຄຳເຫັນທີ່ການເຮັດວຽກກັບການນຳແຂວງ ຮ່າຢາງ ໃນວັນທີ 24/12, ທ່ານ ບຸ່ຍສີເລີ້ຍ, ຮອງຫົວໜ້າກຳມາທິການກ່ຽວກັບບັນດາບັນຫາສັງຄົມ, ສະເໜີໃຫ້ຄະນະກຳມະການປະຊາຊົນແຂວງ ຮ່າຢາງ ເພີ່ມທະວີວຽກງານຊີ້ນຳນຳພາ, ປະຕິບັດລາຍການຫລຸດຜ່ອນຄວາມທຸກຍາກໄວ ແລະ ໝັ້ນຄົງຢ່າງມີປະສິດທິຜົນ. ແຂວງສຸມໃສ່ປຸກລະດົມທຸກແຫຼ່ງກຳລັງເພື່ອຜັນຂະຫຍາຍວຽກງານຫລຸດຜ່ອນຄວາມທຸກຍາກ, ໃນນັ້ນ, ບຸລິມະສິດແຫຼ່ງກຳລັງໃຫ້ບັນດາເມືອງ, ຕາແສງປະສົບກັບຄວາມຫຍຸ້ງຍາກເປັນພິເສດ, ຕິດພັນຈຸດໝາຍຫລຸດຜ່ອນຄວາມທຸກຍາກກັບການກໍ່ສ້າງຊົນນະບົດໃໝ່, ສົມທົບກັບບັນດາກຸ່ມບໍລິສັດເສດຖະກິດ, ບັນດາບໍລິສັດໃຫຍ່ແຫ່ງລັດ ແລະ ບັນດາວິສາຫະກິດຊ່ວຍເຫຼືອເມືອງ, ຕາແສງທຸກຍາກຂອງແຂວງຢ່າງມີປະສິດທິຜົນ. ພິເສດ, ຄະນະກຳມະການປະຊາຊົນແຂວງ ຮ່າຢາງ ຕ້ອງເພີ່ມທະວີວຽກງານກວດກາ, ຕິດຕາມກວດກາໝາກຜົນແຫ່ງການປະຕິບັດບັນດານະໂຍບາຍ, ໂຄງການກ່ຽວກັບການຫລຸດຜ່ອນຄວາມທຸກຍາກ, ວຽກເຮັດງານທຳຮັບປະກັນບັນດານະໂຍບາຍໜູນຊ່ວຍຂອງລັດໃຫ້ບັນລຸປະສິດທິຜົນ. ຄວນຕີລາຄາສະພາບການຕົວຈິງຄອບຄົວທຸກຍາກຂອງແຂວງ ຢ່າງຊັດເຈນເພື່ອເປັນພື້ນຖານໃຫ້ແກ່ການປະຕິບັດບັນດານະໂຍບາຍຮັບປະກັນຊີວິດສັງຄົມຢ່າງຍຸຕິທຳ ແລະ ມີປະສິດທິຜົນ.