(vovworld) – ວັນທີ 8/7, ຄະນະປະຈຳສະພາແຫ່ງຊາດເມກຊິກໂກໃຫ້ຮູ້ວ່າ, ອົງການນີ້ໄດ້ສະເໜີປະທານາທິບໍດີ Enrique Pena Nieto ຮຽກຮ້ອງຈີນແກ້ໄຂສະພາບເຄັ່ງຕຶງຢູ່ທະເລຕາເວັນອອກຜ່ານການເຈລະຈາ, ການປະຕິບັດກົດໝາຍສາກົນ ແລະ ບໍ່ນຳໃຊ້ກຳລັງອາວຸດ. ຂໍ້ສະເໜີດັ່ງກ່າວຖືກຍົກອອກມາພາຍຫຼັງທີ່ຄະນະປະຈຳສະພາແຫ່ງຊາດເມກຊີກໂກພິຈາລະນາຄຳເຫັນໄຈ້ແຍກຂອງ ສສຊ Rosa Pelaez ທີ່ຂຶ້ນກັບຄະນະ ສສຊ ພັກປະຕິວັດປະຊາທິປະໄຕ (PRD) ເຊິ່ງໄດ້ສະຫຼຸບໂດຍຫຍໍ້ການຜັນແປຢູ່ທະເລຕາເວັນອອກ, ນັບແຕ່ຈີນຕັ້ງຮ້ານເຈາະນຳ້ມັນໄຮຢາງ 981 ຢ່າງຜິດກົດໝາຍໃນເຂດໄຫຼ່ທະວີບ ແລະ ເຂດເສດຖະກິດຈຳເພາະຂອງຫວຽດນາມ. ຕາມ ທ່ານ ສສຊ Rosa Pelaez ແລ້ວ, ຫວຽດນາມໄດ້ຄັດຄ້ານການກະທຳຜິດພາດດັ່ງກ່າວຫຼາຍເທື່ອແລ້ວ ແລະ ເນັ້ນໜັກວ່າ ຈີນໄດ້ລະເມີດເນື້ອໃນຈິດໃຈຖະແຫຼງການກ່ຽວກັບການປະພຶດຂອງຝ່າຍຕ່າງໆຢູ່ທະເລຕາເວັນອອກ (DOC) ທີ່ລົງນາມເມື່ອປີ 2002 ແລະ ຫຼັກການ 6 ຂໍ້ກ່ຽວກັບການແກ້ໄຂບັນດາບັນຫາຢູ່ທະເລຕາເວັນອອກລະຫວ່າງຈີນ ແລະ ຫວຽດນາມ. ທ່ານ Rosa Pelaez ກໍ່ກ່າວເຕືອນວ່າ ສະພາບຄວາມເຄັ່ງຕຶງຢູ່ທະເລຕາເວັນອອກພວມມີທ່າອ່ຽງເພີ່ມຂຶ້ນ ແລະ ກໍ່ຄວາມຂາດສະຖຽນລະພາບຢູ່ໃນເຂດ ກໍ່ຄືສົ່ງຜົນສະທ້ອນເຖິງພາກພື້ນອື່ນໆຢູ່ໃນໂລກ.