(vovworld) - ໂດຍສືບຕໍ່ການເຮັດວຽກຂອງວາລະປະຊຸມທີ 12, ຕອນບ່າຍວັນທີ 8/10, ຄະນະປະຈຳສະພາແຫ່ງຊາດ ໄດ້ໃຫ້ຄຳເຫັນກ່ຽວກັບການປະກາດໃຊ້ມະຕິຕົກລົງ ກ່ຽວກັບການດຳເນີນທຸລະກິດຫຼິ້ນເກມທີ່ມີລາງວັນສຳຫຼັບຄົນຕ່າງປະເທດ. ທ່ານປະທານສະພາແຫ່ງຊາດ Nguyen Sinh Hung ໄດ້ເປັນປະທານກອງປະຊຸມ. ຕາມໃບຍື່ນສະເໜີຂອງລັດຖະບານ, ຈາກພຶດຕິກຳຕົວຈິງຂອງການຈັດຕັ້ງການເຄື່ອນໄຫວດຳເນີນທຸລະກິດຫຼິ້ນເກມທີ່ມີລາງວັນ ແລະ ເພື່ອຍົກສູງຜົນສັກສິດ, ປະສິດທິຜົນການຄຸ້ມຄອງຂອງລັດສຳລັບຂົງເຂດດຳເນີນທຸລະກິດນີ້, ລັດຖະບານໄດ້ຖືວ່າ ເລື່ອງປະກາດໃຊ້ມະຕິຕົກລົງກ່ຽວກັບການດຳເນີນທຸລະກິດຫຼິ້ນເກມທີ່ມີລາງວັນແມ່ນມີຄວາມຈຳເປັນທີ່ສຸດ. ຮ່າງມະຕິຕົກລົງກ່ຽວກັບການດຳເນີນທຸລະກິດຫຼິ້ນເກມທີ່ມີລາງວັນສຳຫຼັບຄົນຕ່າງປະເທດລວມມີ 8 ໝວດ 51 ມາດຕາ. ໃນນັ້ນກຳນົດການເຄື່ອນໄຫວດຳເນີນທຸລະກິດຫຼິ້ນເກມທີ່ມີລາງວັນແມ່ນຂະແໜງການ, ອາຊີບດຳເນີນທຸລະກິດທີ່ມີເງື່ອນໄຂ ແລະ ຕ້ອງໄດ້ຮັບໜັງສືຮັບຮູ້ມີເງື່ອນໄຂດຳເນີນທຸລະກິດຢ່າງຄົບຖ້ວນ. ຕາມນັ້ນແລ້ວ, ມີແຕ່ບັນດາຫາກຖານທີ່ກະຊວງວັດທະນະທຳ ແລະ ທ່ອງທ່ຽວຈັດອັນດັບບັນລຸມາດຕະຖານແຕ່ 5 ດາວຂຶ້ນໄປ, ຕອບສະໜອງເງື່ອນໄຂຮັບປະກັນຄວາມສະຫງົບປອດໄພ, ຄວາມເປັນລະບຽບຮຽບຮ້ອຍ ແລະ ຄວາມສາມາດດ້ານການເງິນຈຶ່ງໄດ້ຮັບການພິຈາລະນາ ຮັບໜັງສືຮັບຮູ້ມີເງື່ອນໄຂດຳເນີນທຸລະກິດຢ່າງພຽງພໍ. ບົນພື້ນຖານນີ້, ລັດຖະບານຈະຄົ້ນຄວ້າ, ປັບປຸງຮ່າງມະຕິຕົກລົງນີ້ກອນທີ່ຈະປະກາດໃຊ້.