ວາລະປະຊຸມເຮັດວຽກຂອງຄະນະປະຈຳສະພາແຫ່ງຊາດ
(ພາບ: Văn Nghiệp Chúc)
(vovworld) - ຕອນເຊົ້າວັນທີ 9/4, ຢູ່ ຮ່າໂນ້ຍ, ຄະນະປະຈຳສະພາແຫ່ງຊາດສືບຕໍ່ວາລະປະຊຸມຄັ້ງທີ 37 ໃຫ້ຄຳເຫັນໃສ່ຮ່າງບົດລາຍງານອະພິປາຍ, ຮັບເອົາຄຳເຫັນ, ປັບປຸງຮ່າງກົດໝາຍວ່າດ້ວຍລັດຖະບານ (ສະບັບປັບປຸງ) ແລະ ຮ່າງກົດໝາຍວ່າດ້ວຍອຳນາດການປົກຄອງທ້ອງຖິ່ນ. ປະກອບຄຳເຫັນທີ່ວາລະປະຊຸມ, ກຳມະການຄະນະປະຈຳສະພາແຫ່ງຊາດສ່ວນຫຼາຍ ໄດ້ເຫັນດີເຫັນພ້ອມກັບບັນດາເນື້ອໃນຂອງຮ່າງບົດລາຍງານອະພິປາຍ, ຮັບເອົາຄຳເຫັນ, ປັບປຸງຮ່າງກົດໝາຍວ່າດ້ວຍລັດຖະບານ (ສະບັບປັບປຸງ). ເຖິງຢ່າງໃດກໍ່ຕາມ, ບັນດາຄຳເຫັນສະເໜີຂໍ້ກຳນົດກ່ຽວກັບໜ້າທີ່, ສິດອຳນາດຂອງລັດຖະບານຢ່າງ ຈະແຈ້ງກ່ວາ; ກວດກາຄືນຂໍ້ກຳນົດກ່ຽວກັບໜ້າທີ່, ສິດອຳນາດຂອງລັດຖະບານໃນບັນດາຂົງເຂດລະອຽດ ເພື່ອຮັບປະກັນລັກສະນະສັງລວມ, ຄົບຖ້ວນ, ແຕ່ບໍ່ໄດ້ກ່າຍກອງກັນ. ແລະກໍ່ໃນຕອນເຊົ້າວັນດຽວກັນ, ຄະນະປະຈຳສະພາແຫ່ງຊາດໃຫ້ຄຳເຫັນໃສ່ຮ່າງບົດລາຍງານອະພິປາຍ, ຮັບເອົາຄຳເຫັນ, ປັບປຸງຮ່າງກົດໝາຍວ່າດ້ວຍອຳນາດການປົກຄອງທ້ອງຖິ່ນ.
ແລະກໍ່ໃນຕອນບ່າຍວັນດຽວກັນ, ຄະນະປະຈຳສະພາແຫ່ງຊາດກໍ່ໃຫ້ຄຳເຫັນໃສ່ແຜນຮ່າງສ້າງຕັ້ງນະຄອນ ຕາມດຽບ, ແຂວງ ນີງບີ່ງ ແລະ ເທດສະບານ ກີ່ແອງ, ແຂວງ ຮ່າຕິ້ງ.