ວາລະປະຊຸມຄັ້ງທີ 27, ຄະນະປະຈຳສະພາແຫ່ງຊາດ
|
(vovworld)- ຕອນເຊົ້າວັນທີ 17/4, ສືບຕໍ່ວາລະປະຊຸມຄັ້ງທີ 27, ຄະນະປະຈຳສະພາແຫ່ງຊາດໄດ້ໃຫ້ຄຳເຫັນກ່ຽວກັບສະຫລຸບຂາດຕົວການປະຕິບັດງົບປະມານປີ 2012 ແລະ ການປະກາດໃຊ້ດຳລັດກ່ຽວກັບການເຄື່ອນໄຫວດຳເນີນທຸລະກິດ casino.
ຕາມບົດລາຍງານຂອງລັດຖະບານແລ້ວ, ການສະຫລຸບຂາດຕົວການປະຕິບັດລາຍຮັບ-ລາຍຈ່າຍດຸນດຽງງົບປະມານແຫ່ງລັດປີ 2012 ລ້ວນແຕ່ເພີ່ມຂຶ້ນເມື່ອທຽບໃສ່ແຜນງົບປະມານ ແລະ ບົດລາຍງານຕໍ່ສະພາແຫ່ງຊາດທີ່ສະໄຫມປະຊຸມເທື່ອທີ 5. ເຖິງຢ່າງໃດກໍຕາມ, ບົດລາຍງານກວດກາຂອງກຳມາທິການການເງິນງົບປະມານ ຊີ້ແຈງວ່າ: ຄຽງຄູ່ກັບບັນດາຜົນງານທີ່ບັນລຸໄດ້, ວຽກງານເກັບລາຍຮັບງົບປະມານປີ 2012 ບໍ່ບັນລຸໄດ້ຕາມແຜນງົບປະມານຊື່ງສະພາແຫ່ງຊາດວາງອອກ. ວຽກງານຄຸ້ມຄອງລາຍຈ່າຍງົບປະມານແຫ່ງລັດປີ 2012 ຍັງຟຸມເຟືອຍ, ບໍ່ຖືກກັບການກຳນົດ, ບໍ່ຖືກກັບຈຸດປະສົງ.
ທີ່ວາລະປະຊຸມ, ທ່ານ ດີງຕຽນຢູງ, ລັດຖະມົນຕີກະຊວງການເງິນ ໄດ້ເຫັນດີຕໍ່ບັນດາຄຳສະເຫນີຂອງຄະນະປະຈຳສະພາແຫ່ງຊາດ ແລະ ໃຫ້ຮູ້ວ່າ: ຈະເພີ່ມເຕີມ, ສ້າງບົດລາຍງານໃຫ້ລະອຽດ ແລະ ສົມບູນແບບກວ່າ.