ຄະນະປະຕິບັດງານກະຊວງປ້ອງກັນປະເທດລົງເຮັດວຽກຢູ່ເມືອງເກາະກົນດາວ
ທ່ານພົນໂທ ຫງວຽນແທ່ງກຸງ ໄຕ້ທູບທຽນອາໄລຫາ ບັນດານັກຮົບທີ່ໄດ້ເສຍສະຫຼະຊີວິດເພື່ອຊາດ |
(vovworld)- ຕອນເຊົ້າວັນທີ 2/8, ຄະນະປະຕິບັດງານກະຊວງປ້ອງກັນປະເທດພ້ອມກັບບັນດາກະຊວງ, ຂະແໜງການຕ່າງໆໂດຍທ່ານພົນໂທ ຫງວຽນແທ່ງກຸງ ເປັນຫົວໜ້າຄະນະ ໄດ້ລົງຢ້ຽມຢາມ ແລະ ກວດກາສະພາບການພັດທະນາເສດຖະກິດ-ສັງຄົມ, ວຽກງານປ້ອງກັນຊາດ ປ້ອງກັນຄວາມສະຫງົບ ຢູ່ເມືອງເກາະກົນດາວ. ທ່ານພົນໂທ ຫງວຽນແທ່ງກຸງ ໄດ້ສະເໜີເມືອງເກາະກົນດາວ ຈົ່ງຍູ້ແຮງການພັດທະນາເສດຖະກິດທະເລ, ສືບຕໍ່ປົກປັກຮັກສາປ່າໃນເກາະ. ກ່ອນໜ້ານັ້ນ ໃນຕອນຄ່ຳວັນທີ 1/8, ຢູ່ ເມືອງເກາະກົນດາວ ໄດ້ດຳເນີນ ການພົບປະແລກປ່ຽນລະຫວ່າງມະຫາວິທະຍາໄລວັດທະນະທຳສິລະປະກອງທັບ, ນັກຮົບຕຳຫຼວດທະເລເຂດ 2 ພ້ອມກັບກອງທັບ ແລະ ປະຊາຊົນເມືອງກົນດາວ. ທ່ານຮ້ອຍໂທ ຫງວຽນແອງກ໋ວກ ສັງກັດກອງບັນຊາການທະຫານເມືອງ ກົນດາວ, ແຂວງ ບາເຣັ້ຍວຸ້ງເຕົາ ໃຫ້ຮູ້ວ່າ :
“ ຜ່ານການພົບປະແລກປ່ຽນລະຫວ່າງມະຫາວິທະຍາໄລວັດທະນະທຳສິລະປະກອງທັບ ກັບກອງທັບ ແລະ ປະຊາຊົນເມືອງກົນດາວ, ຂ້າພະເຈົ້າມີຄວາມພາກພູມໃຈຢ່າງຍິ່ງ. ຜ່ານບັນດາບົດເພງປະຕິວັດທີ່ຍ້ອງຍໍສັນລະເສີນນັກຮົບ. ພິເສດແມ່ນບັນດານັກຮົບທີ່ພວມປະຕິບັດໜ້າທີ່ຢູ່ເຂດທະເລໝູ່ເກາະ, ພວກຂ້າພະເຈົ້າຮູ້ສຶກມີຄວາມເອກອ້າງທະນົງໃຈ ແລະ ຕື້ນຕັນໃຈ. ພວກຂ້າພະເຈົ້າຮູ້ສຶກຄືໄດ້ເພີ່ມກຳລັງແຮງເພື່ອຈັບປືນຢ່າງໜັກແໜ້ນ ປົກປັກຮັກສາເຂດໝູ່ເກາະທະເລຂອງປະເທດຊາດ ”