ທ່ານ ດິງເທ໋ຮີງ, ກຳມະການກົມການເມືອງ
ເຮັດວຽກຢູ່ແຂວງຮ່າຕິ້ງ
(ພາບ: baohatinh.vn)
(vovworld) - ຕອນເຊົ້າວັນທີ 5/12, ຄະນະປະຕິບັດງານຂອງຄະນະເລຂາສູນກາງ ໂດຍທ່ານ ດິງເທ໋ຮີງ, ກຳມະການກົມການເມືອງ, ເລຂາສູນກາງພັກ, ຫົວໜ້າຄະນະໂຄສະໜາສຶກສາສູນກາງ, ເປັນຫົວໜ້າຄະນະໄດ້ມີການເຮັດວຽກກັບຄະນະປະຈຳອົງຄະນະພັກແຂວງຮ່າຕິ້ງ ກ່ຽວກັບການປະຕິບັດຄຳສັ່ງເລກທີ 3 ຂອງກົມການເມືອງກ່ຽວກັບ “ສືບຕໍ່ຍູ້ແຮງການຮໍ່າຮຽນ ແລະ ປະຕິບັດຕາມແບບຢ່າງຄຸນສົມບັດຂອງປະທານໂຮ່ຈິມີນ”. ກ່າວຄຳເຫັນນະທີ່ນີ້, ທ່ານ ດິງເທ໋ຮີງ ໄດ້ເອົາໃຈໃສ່ໃຫ້ອົງຄະນະພັກແຂວງຮ່າຕິ້ງ ຕ້ອງກຳນົດເນື້ອໃນຈຸດສຸມໃນໄລຍະຈະມາເຖິງນັ້ນແມ່ນ ປ່ຽນໃໝ່ແບບແຜນການດຳລົງຊີວິດຂອງຖັນແຖວພະນັກງານ, ສະມາຊິກພັກ. ພິເສດແມ່ນຍົກສູງສະຕິຮັບຜິດຊອບ, ເປັນແບບຢ່າງຂອງພະນັກງານ, ສະມາຊິກພັກທີ່ຮັກສາຕຳແໜ່ງເປັນການນຳຫຼັກແຫຼ່ງທຸກຂັ້ນ, ຕິດພັນກັບການປະຕິບັດຄຳສ່ັງຊີ້ນຳເລກທີ 3 ຂອງກົມການເມືອງ ກັບການປະຕິບັດມະຕິສູນກາງທີ 4 ຊຸດທີ 11 “ບາງບັນຫາອັນຮີບດ່ວນກ່ຽວກັບກໍ່ສ້າງພັກໃນປະຈຸບັນ”. ສືບຕໍ່ຄົ້ນຄວ້າ, ແນະນຳ, ເພີ່ມເຕີ່ມລະບົບມາດຖານດ້ານຄຸນສັມບັດ ແລະ ນຳເຂົ້າປະຕິບັດມະຕິເລກທີ 3 ນຳເຂົ້າການດຳເນີນຊີວິດເປັນປະຈຳຢູ່ແຕ່ລະອົງການຈັດຕັ້ງພັກຢ່າງແທດຈິງ ແລະ ມີປະສິດທິຜົນ.