(vovworld) - ຕອນບ່າຍວັນທີ 29/01, ຄະນະປະຕິບັດງານບໍລິການການຄ້າລັດຖະບານອາເມລິກາ ໄດ້ໄປຢ້ຽມຢາມເມືອງເກາະ ຟຸ໋ກວ໋ກ, ແຂວງກຽນຢາງ ແລະ ເຮັດວຽກກັບຄະນະຄຸ້ມຄອງການລົງທຶນພັດທະນາເກາະ. ນີ້ກໍແມ່ນສະຖານທີ່ຢ້ຽມຢາມທຳອິດໃນການຢ້ຽມຢາມຫວຽດນາມຄັ້ງນີ້ ເພື່ອແນໃສ່ພັດທະນາການພົວພັນຮ່ວມມືດ້ານການຄ້າ 2 ຝ່າຍລະຫວ່າງ 2 ປະເທດຫວຽດນາມ - ອາເມລິກາ ໃນໄລຍະເຊື່ອມໂຍງ. ຈຸດໝາຍຂອງການຢ້ຽມຢາມ ແລະ ເຮັດວຽກຂອງຄະນະປະຕິບັດງານຢູ່ເມືອງເກາະຟຸ໋ກວ໋ກ ຄັ້ງນີ້ ກໍເພື່ອແນໃສ່ຊອກຮູ້ບັນດາຂໍ້ມູນຂ່າວກ່ຽວກັບຄວາມສາມາດບົມຊ້ອນ, ແຜນການລົງທຶນພັດທະນາເກາະຟຸ໋ກວ໋ກ ຕາມທິດທາງຂອງລັດຖະບານຫວຽດນາມ. ບົນພື້ນຖານນັ້ນກຳນົດທິດໃຫ້ບັນດານັກລົງທຶນອາເມລິກາ ພ້ອມກັນຊອກຫາກາລະໂອກາດລົງທຶນຢູ່ເມືອງເກາະ ຟຸ໋ກວ໋ກ, ໜູນຊ່ວຍແຫຼ່ງເງິນ, ໃຫ້ຄຳປຶກສາດ້ານເຕັກນິກ ແລະ ລົງທຶນດ້ານເຕັກໂນໂລຊີໃນຂົງເຂດພື້ນຖານໂຄງລ່າງ ແລະ ພັດທະນາການທ່ອງທ່ຽວໃຫ້ແກ່ເມືອງເກາະຟຸ໋ກວ໋ກ ຕາມການກຳນົດທິດຂອງລັດຖະບານຫວຽດນາມ.