(vovworld) - ວັນທີ 23 ກັນຍາ, ທ່ານຫົວໜ້າກອງເສນາທິການໃຫ່ຍກອງທັບປະຊາຊົນຫວຽດນາມ, ພົນໂທ ໂດ້ບ໋າຕິ ໄດ້ນຳໜ້າຄະນະຜູ້ແທນການທະຫານຂັ້ນສູງກອງທັບປະຊາຊົນຫວຽດນາມ ໄປຢ້ຽມຢາມສັນທະວະໄມຕີສ.ອີນເດຍ ຢ່າງເປັນທາງການ ແຕ່ວັນທີ 23 – 27 ກັນຍາ, ຕາມຄຳເຊີນຂອງພົນເອກກອງທັບອາກາດ Nak Browne, ປະທານຄະນະກຳມະການບັນດາເສນາທິການໃຫຍ່ອີນເດຍ. ການຢ້ຽມຢາມອີນເດຍຂອງຄະນະຜູ້ແທນການທະຫານຂັ້ນສູງຫວຽດນາມ ຄັ້ງນີ້ ແມ່ນເພື່ອແນໃສ່ສືບຕໍ່ຢືນຢັນຄວາມປາດຖະໜາຢາກພັດທະນາການພົວພັນມິດຕະພາບ, ການຮ່ວມມືທີ່ເປັນມູນເຊື້ອອັນດີງາມລະຫວ່າງປະຊາຊົນ ແລະ ກອງທັບ 2 ປະເທດຫວຽດນາມ - ອີນເດຍ ໃນຂອບເຂດ “ການພົວພັນຄູ່ຮ່ວມມືຍຸດທະສາດ” ເຊິ່ງການນຳຂັ້ນສູງ 2 ປະເທດໄດ້ລົງນາມ.