(vovworld) - ຕອນເຊົ້າວັນທີ 10/04, ຢູ່ຮ່າໂນ້ຍ, ທ່ານຮອງນາຍົກລັດຖະມົນຕີ ຫງວຽນທຽນເຍີນ ໄດ້ໃຫ້ການຕ້ອນຮັບທ່ານປະທານຄະນະກຳມາທິການການຕ່າງປະເທດສະພາແຫ່ງຊາດ ເຢຍລະມັນ Ruprecht Polenz. ທ່ານຮອງນາບຍົກລັດຖະມົນຕີ ຫງວຽນທຽນເຍີນ ເນັ້ນໜັກວ່າ ຫວຽດນາມ ແມ່ນສະມາຊິກທີ່ຕັ້ງໜ້າໃນປະຊາຄົມອາຊຽນ. ເພາະສະນັ້ນ, ຫວຽດນາມ ກຽມພ້ອມເປັນຂົວເຊື່ອມຕໍ່, ຊຸກຍູ້ການພົວພັນລະຫວ່າງ ສ.ສະຫະພັນເຢຍລະມັນ ກັບປະຊາຄົມນີ້ ຢ່າງແຮງ. ທ່ານຮອງນາຍົກລັດຖະມົນຕີ ກໍປາດຖະໜາວ່າ ການພົວພັນອັນດີງາມລະຫວ່າງ 2 ປະເທດ ນັບມື້ນັບໄດ້ຮັບການເພີ່ມທະວີ ແລະ ພັດທະນາຢ່າງຮອບດ້ານກວ່າ ໃນໄລຍະຈະມາເຖິງ. ທ່ານ Ruprecht Polenz ໄດ້ສະແດງຄວາມປະທັບໃຈຕໍ່ການພັດທະນາດ້ານເສດຖະກິດ, ສັງຄົມຂອງຫວຽດນາມ ໃນໄລຍະຜ່ານມາ ພ້ອມທັງປາດຖະໜາວ່າ ລັດຖະບານຫວຽດນາມ ໜູນຊ່ວຍ, ສ້າງເງື່ອນໄຂສະດວກກວ່າອີກ ໃຫ້ແກ່ວິສາຫະກິດເຢຍລະມັນ ລົງທຶນເຂົ້າຫວຽດນາມ. ໃນໄລຍະໄກ້ໆນີ້, 2 ປະເທດຈະສືບຕໍ່ຊຸກຍູ້ການພົວພັນມິດຕະພາບ, ການຮ່ວມມືໃນຫຼາຍຂົງເຂດໃຫ້ມີປະສິດທິຜົນ, ເພື່ອປະກອບສ່ວນເຂົ້າໃນພາລະກິດສ້າງສາ ແລະ ພັດທະນາປະເທດຊາດຂອງແຕ່ລະປະເທດ.
ແລະກໍ່ໃນວັນທີ 10/4, ຄະນະຜູ້ແທນຂັ້ນສູງກຳມາທິການການຕ່າງປະເທດສະພາແຫ່ງຊາດ ເຢຍລະມັນ ໄດ້ມີການເຮັດວຽກຢູ່ນະຄອນ ໂຮ່ຈີມິນ. ຢູ່ທີ່ນີ້, ທ່ານໄດ້ໄປຢ້ຽມຢາມມະຫາວິທະຍາໄລ ເຢຍລະມັນ - ຫວຽດນາມ ແລະ ເຂດດິນຈະຜັນຂະຫຍາຍການກໍ່ສ້າງຊາຍຄາ ເຢຍລະມັນຢູ່ນະຄອນ ໂຮ່ຈີມິນ, ເຊິ່ງແມ່ນໂຄງການໄດ້ຮັບຖືວ່າ: ແມ່ນສັນຍາລັກຂອງສາຍພົວພັນ ເຢຍລະມັນ - ຫວຽດນາມ ໃນອະນາຄົດ. ນີ້ຈະແມ່ນແຫ່ງຕັ້ງສຳນັກງານບັນດາວິສາຫະກິດ ແລະ ບັນດາອົງການຈັດຕັ້ງ ວັດທະນະທຳ, ວິທະຍາສາດ, ສຶກສາ ແ ບຳລຸງສ້າງ ຂອງ ເຢຍລະມັນຢູ່ ຫວຽດນາມ. ທ່ານປະທານຄະນະກຳມາທິການການຕ່າງປະເທດສະພາແຫ່ງ ຊາດ ເຢຍລະມັນ Ruprecht Polenz ໃຫ້ຮູ້ວ່າ:
“ພວກຂ້າພະເຈົ້າໄດ້ມີການແລກປ່ຽນກັບບັນດາວິສາຫະກິດຂອງ ເຢຍລະມັນ ຢູ່ ຫວຽດນາມ ແລ້ວ ແລະ ເຂົາເຈົ້າໄດ້ພ້ອມແລ້ວທີ່ຈະເຂົ້າຮ່ວມລາຍການສອນວິຊາຊີບໃຫ້ກຳມະກອນ ຫວຽດນາມ. ພວກຂ້າພະເຈົ້າຫວັງວ່າ ໃນອະນາຄົດໃກ້ໆນີ້ ຈະມີວິສາຫະກິດຕ່າງປະເທດຢູ່ ຫວຽດນາມ ແລະ ວິສາຫະກິດຫວຽດນາມຫຼາຍແຫ່ງເຂົ້າຮ່ວມລາຍການສອນວິຊາຊີບນີ້.”
ຄະນະຜູ້ແທນຂັ້ນສູງກຳມາທິການການຕ່າງປະເທດສະພາແຫ່ງຊາດ ເຢຍລະມັນ ກໍ່ສະແດງຄວາມປາດຖະໜາວ່າ: ຈະສືບຕໍ່ເພີ່ມທະວີການພົບປະແລກປ່ຽນກັບ ຫວຽດນາມ ເພື່ອແນໃສ່ຊຸກຍູ້ການພົວພັນ 2 ຝ່າຍໃນທຸກຂົງເຂດກ່ວາອີກ.