(vovworld)- ຕອນເຊົ້າ ວັນທີ 18/8, ຢູ່ຮ່າໂນ້ຍ, ທ່ານຮ່ວາງບີ່ງກວນ, ກຳມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກ ໄດ້ໃຫ້ການຕ້ອນຮັບຄະນະຜູ້ແທນຂັ້ນສູງພັກສັງຄົມນິຍົມ ອີຢີບ(ESP) ໂດຍທ່ານ Mamdu Habasi, ກຳມະການກົມການເມືອງ, ເລຂາສູນກາງພັກຮັບຜິດຊອບການພົວພັນຕ່າງປະເທດ ຂອງພັກ ESP ນຳໜ້າຄະນະ ຜູ້ແທນ ພວມຢ້ຽມຢາມ ຫວຽດນາມ. ທ່ານຮ່ວາງບີ່ງກວນ ໄດ້ແຈ້ງໃຫ້ຄະນະຜູ້ແທນຂັ້ນສູງພັກສັງຄົມນິຍົມ ອີຢີບ ຮັບຊາບບາງຈຸດໃຫຍ່ ກ່ຽວກັບສະພາບການຢູ່ຫວຽດນາມໃນມໍ່ໆມານີ້; ຢັ້ງຢືນຈະສະໜັບສະໜູນ ແລະ ຕັດສິນໃຈປັບປຸງ, ພັດທະນາການພົວພັນສາມັກຄີ, ມິດຕະພາບ ລະຫວ່າງ ພັກ ແລະ ປະຊາຊົນ 2 ປະເທດ ຫວຽດນາມ - ອີຢີບໃຫ້ດີຍິ່ງກ່ວາອີກ.
ທ່ານ Mamdu Habasi ໄດ້ຕີລາຄາສູງບົດບາດ ຂອງພັກກອມມູນິດ ຫວຽດນາມ ໃນຂະບວນການກໍ່ສ້າງ ແລະ ປອ້ງກັນປະເທດຊາດ; ຖືວ່າພັກກອມມູນິດ ຫວຽດນາມ ເປັນແບບຢ່າງ ເພື່ອໃຫ້ພັກສັງຄົມນິຍົມ ອີຢີບ ປະຕິບັດຕາມ. ທ່ານ Mamdu Habasi ຢັ້ງຢືນຈະເຮັດຈົນສຸດຄວາມສາມາດຂອງຕົນ ເພື່ອຊຸກຍູ້ ແລະ ເພີ່ມທະວີການພົວພັນສາມັກຄີ, ມິດຕະພາບ ລະຫວ່າງ ພັກ ແລະ ປະຊາຊົນ 2 ປະເທດ, ເພີ່ມທະວີການພົວພັນ ລະຫວ່າງ 2 ພັກເປັນພື້ນຖານການເມືອງ ເພື່ອພັດທະນາການພົວພັນດ້ານເສດຖະກິດ, ການຄ້າ ແລະ ການລົງທຶນ.