ເກາະ ເຈືອງຊາ ໃຫຍ່ຂອງ ຫວຽດນາມ
(ພາບປະກອບ)
(vovworld) – ຕອນເຊົ້າວັນທີ 18/04, ຄະນະພະນັກງານຄະນະກຳມະການແນວໂຮມປະເທດຊາດ ແລະ ຜູ້ຕາງໜ້າປະຊາຊົນທຸກຊັ້ນວັນນະຂອງນະຄອນໂຮ່ຈິມິນ, ເລີ່ມຕົ້ນໄປຢ້ຽມຢາມ ແລະ ມອບຂອງຂວັນໃຫ້ປະຊາຊົນ ແລະ ນັກຮົບຢູ່ໝູ່ເກາະ ເຈື່ອງຊາ. ຂອງຂວັນຂອງຄະນະຜູ້ແທນແມ່ນຫັກຈາກກອງທຶນ “ເພື່ອເຈື່ອງຊາທີ່ຮັກແພງ ເພື່ອປ້ອມໜ້າຂອງປະເທດຊາດ” ເຊິ່ງຄະນະກຳມະການແນວໂຮມປະເທດຊາດນະຄອນໂຮ່ຈິມິນ ປຸກລະດົມໃນຫຼາຍປີຜ່ານມາ, ລວມມູນຄ່າເກືອບ 11 ຕື້ດົງ. ໃນນັ້ນມີກໍ່າປັ່ນ CQ 2 ລຳ, ໂທລະພາບຫຼາຍໜ່ວຍ, ເຄື່ອງສຽງ, ກອມພິວເຕີ ແລະ ເຄື່ອງຂອງອື່ນໆທີ່ຮັບໃຊ້ໃຫ້ແກ່ວຽກງານ ແລະ ຊີວິດປະຈຳວັນຂອງປະຊາຊົນ ແລະ ພະນັກງານນັກຮົບໃນເກາະ. ນອກຈາກນັ້ນ, ຄະນະຜູ້ແທນຍັງມອບຂອງຂວັນທີ່ມີມູນຄ່າ 6 ລ້ານດົງ ໃຫ້ແຕ່ລະຄອບຄົວໃນເກາະເຈື່ອງຊາໃຫຍ່ ແລະ ມອບຂອງຂວັນ 1.000 ພູດ ແຕ່ລະພູດມີມູນຄ່າ 250.000 ດົງໃຫ້ແກ່ບັນດາບຸກຄົນທີ່ດີ່ເດັ່ນຢູ່ເກາະອື່ນໆອີກ. ທ່ານ ເຈີນຕ໋ວນຮຸ່ງ, ຮອງປະທານຄະນະກຳມະການແນວໂຮມປະເທດຊາດນະຄອນໂຮ່ຈິມິນ ໃຫ້ຮູ້ວ່າ.
“ນັບແຕ່ປີ 2009, ຄະນະກຳມະການແນວໂຮມປະເທດຊາດນະຄອນໂຮ່ຈິມິນ ໄດ້ຂົນຂວາຍກອງທຶນ ເພື່ອເຈື່ອງຊາທີ່ຮັກແພງ ເພື່ອປ້ອມໜ້າຂອງປະເທດຊາດ. ກອງທຶນນີ້ໄດ້ຮັບການສະໜັບສະໜູນຈາກປະຊາຊົນຢ່າງຕັ້ງໜ້າ. ປີ 2012 ກອງທຶນນີ້ໄດ້ຮັບເງິນບໍລິຈາກຂອງປະຊາຊົນກວ່າ 16 ຕື້ດົງ. ຄາດວ່າໃນປີ 2013 ນະຄອນຈະຂົນຂວາຍໄດ້ 30 ຕື້ດົງເພື່ອສ້າງບັນດາກິດຈະກຳທີ່ແທດຈິງໃຫ້ພະນັກງານ, ນັກຮົບ ແລະ ປະຊາຊົນຢູ່ເມືອງເກາະເຈື່ອງຊາ”.