ຄະນະຜູ້ແທນພັກກອມ ມູນິດຈີນຢ້ຽມຢາມ ຫວຽດນາມ
ທ່ານເຈືອງເຕີນຊາງໃຫ້ການຕ້ອນຮັບທ່ານຮູຈຸນຮົວ
(ພາບ: TTXVN)
(vovworld)- ໂດຍໄດ້ຮັບຄຳເຊີນຂອງສູນກາງພັກກອມມູນິດຫວຽດນາມ, ຄະນະຜູ້ແທນພັກກອມມູນິດຈີນ ໂດຍທ່ານ ຮູຈຸນຮົວ, ກຳມະການກົມການເມືອງ, ເລຂາຄະນະພັກແຂວງກວາງຕຸງ ນຳໜ້າໄດ້ມາຢ້ຽມຢາມຫວຽດນາມ ແຕ່ວັນທີ 13-17/4. ໃນຕອນບ່າຍຂອງວັນທີ 14/4, ຢູ່ຮ່າໂນ້ຍ, ທ່ານເລຂາທິການໃຫ່ຍຫງວຽນຟູຈ້ອງ ໄດ້ໃຫ້ການຕ້ອນຮັບທ່ານ ຮູຈຸນຮົວ. ທ່ານເລຂາທິການໃຫ່ຍຫງວຽນຟູຈ້ອງ ໄດ້ຕີລາຄາສູງບົດບາດນຳໜ້າຂອງແຂວງກວາງຕຸງ ໃນວິວັດທະນາການເປີດປະຕູຂອງຈີນ ແລະ ບັນດາໝາກຜົນທີ່ດີງາມໃນການຮ່ວມມືດ້ານເສດຖະກິດ-ການຄ້າລະຫວ່າງແຂວງກວາງຕຸງ ແລະ ຫວຽດນາມ.
ໃນວັນດຽວກັນ, ໃນການຕອ້ນຮັບທ່ານ ຮູຈຸນຮົວ, ທ່ານປະທານປະເທດຫວຽດນາມ ເຈືອງເຕີນຊາງ ປາດຖະໜາວ່າ, ແຂວງກວາງຕຸງ ຊື່ງແມ່ນສູນເສດຖະກິດແຫ່ງໃຫ່ຍຂອງຈີນ ແລະ ແມ່ນທ້ອງຖິ່ນທີ່ມີສາຍພົວພັນມິດຕະພາບແຕ່ດົນນານ, ມີການພົວພັນຮ່ວມມືດ້ານເສດຖະກິດ, ການຄ້າ, ການລົງທຶນກັບຫວຽດນາມ ຈະສືບຕໍ່ເພີ່ມທະວີການພົວພັນຮ່ວມມືໃນຫຼາຍດ້ານກັບບັນດາທ້ອງຖິ່ນຂອງຫວຽດນາມ ໃນໄລຍະຈະມາເຖິງ.
ກ່ອນໜ້ານນັ້ນ, ທ່ານຟ້າມກວາງງີ້ ກຳມະການກົມການເມືອງ, ເລຂາຄະນະພັກນະຄອນຮ່າໂນ້ຍ ໄດ້ເປັນປະທານການພົບປະສົນທະນາ, ແລກປ່ຽນຄຳເຫັນລະ ຫວ່າງຄະນະຜູ້ແທນພັກກອມມູນິດຫວຽດນາມ ກັບຄະນະຜູ້ແທນພັກກອມມູນິດຈີນ ໂດຍທ່ານ ຮູຈຸນຮົວ ເປັນຫົວໜ້າຄະນະ.
ທ່ານຮູຈຸນຮົວ ຍັງມີການພົບປະກັບທ່ານຟ້າມບິງມິງ, ຮອງນາຍົກລັດຖະມົນຕີ, ທັງເປັນລັດຖະມົນຕີການຕ່າງປະເທດຫວຽດນາມ ແລະ ເຂົ້າຮ່ວມກອງປະຊຸມພົບປະແລກປ່ຽນຮ່ວມມືດ້ານເສດຖະກິດການຄ້າລະຫວ່າງ ກວາງຕຸງ ກັບຫວຽດນາມ ຊື່ງຖືກຈັດຂຶ້ນຢູ່ຮ່າໂນ້ຍ./.