( vovworld ) – ວັນທີ 5/3, ຄະນະຜູ້ແທນສະພາປະຊາຊົນນະຄອນ ໂຮ່ຈິມິນ ໂດຍທ່ານນາງ ຫງວຽນທິກວຽດເຕີມ, ຮອງເລຂາຄະນະພັກ, ປະທານສະພາປະຊາຊົນນະຄອນ ໂຮ່ຈິມິນ ນຳໜ້າ ໄດ້ເດີນທາງໄປຮອດແຂວງຈຳປາສັກ ຊື່ງແມ່ນທ້ອງຖິ່ນແຮກສ່ຽວກັບນະຄອນ ໂຮ່ຈິມິນ, ເປີດສາກການຢ້ຽມຢາມລາວ ຢ່າງເປັນທາງການ. ໃນການຕ້ອນຮັບຄະນະ, ທ່ານ ສອນໄຊ ສີພັນດອນ, ເລຂາຄະນະພັກ, ເຈົ້າແຂວງແຂວງຈຳປາສັກ ໃຫ້ຮູ້ວ່າ: ປະຈຸບັນ, ຫວຽດນາມ ມີລະດັບການລົງທຶນຫຼາຍກ່ວາໝູ່ ຢູ່ແຂວງຈຳປາສັກ, ໃນນັ້ນມີຫຼາຍວິສາຫະກິດນະຄອນໂຮ່ຈິມິນ. ຄາດວ່າ ສອງຝ່າຍຈະຈັດບັນດາການເຄື່ອນໄຫວວັດທະນະທຳສິລະປະໃນສັບປະດາຫວຽດນາມ ຢູ່ແຂວງຈຳປາສັກ ແລະ ສັບປະດາຈຳປາສັກຢູ່ນະຄອນ ໂຮ່ຈິມິນ ໃນໂອກາດ “ປີແຫ່ງຄວາມສາມັກຄີມິດຕະພາບຫວຽດນາມ-ລາວ 2012“. ໃນຂອບເຂດການຢ້ຽມຢາມ, ຄະນະຈະໄປຢ້ຽມຢາມສະຖານທູດຫວຽດນາມ ປະຈຳລາວ; ເຂົ້າຢ້ຽມຂ່ຳນັບທ່ານເລຂາຄະນະພັກ, ເຈົ້າຄອງນະຄອນຫຼວງວຽງຈັນ ແລະ ປະທານສະພາແຫ່ງຊາດລາວ.