(vovworld) - ຕອນເຊົ້າວັນທີ 04/01 ຢູ່ຮ່າໂນ້ຍ, ຄະນະພັກກຸ່ມບັນດາອົງການສຳນັກງານຂັ້ນສູນກາງ ໄດ້ຈັດຕັ້ງກອງປະຊຸມສະຫຼຸບວຽກງານຕິດຕາມກວດກາປີ 2012, ຜັນຂະຫຍາຍໜ້າທີ່ວຽກງານໃນປີ 2013. ໃນປີ 2012 ຜ່ານມາ, ເພື່ອປະຕິບັດວຽກງານຕິດຕາມກວດກາ, ຄະນະກຳມະການກວດກາຄະນະພັກກຸ່ມບັນດາອົງການສຳນັກງານຂັ້ນສູນກາງໄດ້ດຳເນີນການຕິດຕາມກວດກາ 3 ຫົວໜ່ວຍຄື ຄະນະພັກອົງການປະກັນສັງຄົມຫວຽດນາມ, ຄະນະພັກກະຊວງການຕ່າງປະເທດ ແລະ ຄະນະພັກກະຊວງກໍ່ສ້າງ. ປີ 2013, ຄະນະກຳມະການກວດກາກຸ່ມຄະນະພັກບັນດາອົງການຂັ້ນສູນກາງ ກຳນົດວ່າ ຈະສືບຕໍ່ປ່ຽນໃໝ່ ແລະ ຍົກສູງຄູນນະພາບການຕິດຕາມກວດກາຕາມທິດນຳທີ່ວ່າ; ຕິດຕາມກວດກາຕ້ອງໄດ້ຮັບການເປີດກວ້າງ. ຕິດຕາມກວດກາມີຈຸດສຸມ; ເປັນເຈົ້າການປະຕິບັດຢ່າງຮອບດ້ານບັນດາໜ້າທີ່ຕິດຕາມກວດກາ, ກົດລະບຽບຂອງພັກ. ທ່ານ ຮ່າແອງເຢີນ, ປະທານຄະນະກຳມະການຕິດຕາມກວດກາຄະນະພັກກຸ່ມບັນດາອົງການສຳນັກງານຂັ້ນສູນກາງ ໃຫ້ຮູ້ວ່າ.
“ກ່ອນອື່ນໝົດຕ້ອງສືບຕໍ່ໂຄສະນາ, ຊາບຊຶມບັນດາຄຳສັ່ງ, ມະຕິກ່ຽວກັບວຽກງານຕິດຕາມກວດກາ ເພື່ອຍົກສູງສະຕິຄວາມຮັບຮູ້ໃນຖັນແຖວພະນັກງານສະມາຊິກພັກ ໂດຍສະເພາະແມ່ນຜູ້ນຳຄະນະພັກ. ທີ່ສອງແມ່ນ ຕ້ອງເອົາໃຈໃສ່ເຖິງການປ່ຽນໃໝ່ວິທີການ, ຮູບແບບເພື່ອໃຫ້ວຽກງານຕິດຕາມກວດກາມີຄຸນນະພາບ. ຢາກເຮັດໄດ້ຄືແນວນັ້ນ, ບັນດາຄະນະພັກຂັ້ນຕ່າງໆ ຕ້ອງກໍ່ສ້າງຖັນແຖວພະນັກງານສະມາຊິກພັກເຮັດວຽກງານຕິດຕາມກວດກາສະເພາະກິດໃຫ້ໄດ້.”