ຄະນະພັກກຸ່ມວິສາຫະກິດສູນກາງ ຜັນຂະຫຍາຍ ມະຕິກອງປະຊຸມສູນກາງ ຄັ້ງທີ 8 ຊຸດທີ 11
(ພາບປະກອບ)
(vovworld) - ຕອນເຊົ້າວັນທີ 06/01, ຄະນະພັກກຸ່ມວິສາຫະກິດສູນກາງ ໄດ້ຈັດກອງປະຊຸມຜ່ານເຄືອຂ່າຍອີນເຕີແນັດເພື່ອຊາບຊຶມ, ຜັນຂະຫຍາຍມະຕິກອງປະຊຸມສູນກາງຄັ້ງທີ 8 ຊຸດທີ 11, ບັນດາມະຕິ, ຂໍ້ສະຫຼຸບຂອງຄະນະບໍລິຫານງານ, ຄະນະປະຈຳຄະນະພັກກຸ່ມ.
ກອງປະຊຸມໄດ້ດຳເນີນໃນລະຫວ່າງວັນທີ 06 – 07/01, ເພື່ອຄົ້ນຄວ້າບັນດາມະຕິ, ຂໍ້ສະຫຼຸບຂອງກອງປະຊຸມສູນກາງຄັ້ງທີ 8 ຊຸດທີ 11: ສະຫຼຸບກ່ຽວກັບ “ສະພາບການເສດຖະກິດສັງຄົມປີ 2013 ແລະ ປະຕິບັດໜ້າທີ່ປີ 2014” ກໍ່ຄືຕີລາຄາສະພາບການປະຕິບັດມະຕິກອງປະຊຸມໃຫຍ່ຄັ້ງທີ 11 ກ່ຽວກັບເສດຖະກິດ, ສັງຄົມ, ຈຸດສຸມແມ່ນ 3 ຂອດບຸກທະລຸຍຸດທະສາດຕິດພັນກັບການສ້າງໂຄງປະກອບພື້ນຖານເສດຖະກິດຄືນໃໝ່, ປ່ຽນໃໝ່ຮູບແບບເຕີບໂຕ; ບັນດາເນື້ອໃນພື້ນຖານ ແລະ ໃໝ່ ຂອງລັດຖະທຳມະນູນ ເຊິ່ງສະພາແຫ່ງຊາດຮັບຮອງເອົາໃນວັນທີ 28/11/2013; ມະຕິກ່ຽວກັບຍຸດທະສາດປົກປັກຮັກສາປະເທດຊາດ ໃນສະພາບການໃໝ່; ມະຕິກ່ຽວກັບການປ່ຽນໃໝ່ການສຶກສາ ແລະ ບຳລຸງສ້າງໂດຍພື້ນຖານ ແລະ ຮອບດ້ານ, ຕອບສະໜອງຄວາມຮຽກຮ້ອງຕ້ອງການໃນການຫັນປະເທດຊາດເປັນປະເທດອຸດສາຫະກຳ ແລະ ທັນສະໄໝໃນເງື່ອນໄຂເສດຖະກິດການຕະຫຼາດຕາມກຳນົດທິດສັງຄົມນິຍົມ ແລະ ເຊື່ອມໂຍງເຂົ້າກັບສາກົນ.