(vovworld) - ຄະນະພະນັກງານພັກກອມມູນິດຫວຽດນາມ ໂດຍທ່ານຮອງສາດສະດາຈານ, ປະລິຍາເອກ Vu Van Phuc, ບັນນາທິການໃຫຍ່ວາລະສານກອມມູນິດ ນຳໜ້າ, ຫາກໍມີການໄປຢ້ຽມຢາມ ແລະ ເຮັດວຽກຢູ່ເກຼັກ ໃນລະຫວ່າງວັນທີ 23 – 30/9. ຄະນະໄດ້ເຂົ້າຢ້ຽມຂໍ່ານັບທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດເກຼັກ ອາເລກາ ປາປາຣີກາ; ເຮັດວຽກກັບກຳມະການກົມການເມືອງ, ຜູ້ຮັບຜິດຊອບວຽກງານໂຄສະນາອົບຮົມ ດີມິດເຕີຣີດ ອາເຣີວານຕາກິດ ແລະ ບັນດາກຳມະການສູນກາງພັກກອມມູນິດເກຼັກ. ໃນການເຮັດວຽກເຫຼົ່ານັ້ນ, ທ່ານ Vu Van Phuc ໄດ້ເນັ້ນໜັກວ່າ ໜຶ່ງໃນບັນດາຈຸດປະສົງຕົ້ນຕໍໃນການຢ້ຽມຢາມຂອງຄະນະຄັ້ງນີ້ ແມ່ນເຮັດວຽກກັບແວບໄຊຂໍ້ມູນຂ່າວສານເອເລກໂຕນິກ SolidNet, ຂອງບັນດາພັກກອມມູນິດ ແລະ ກຳມະກອນສາກົນ, ໂດຍພັກກອມມູນິດເກຼັກ ບໍລິຫານ, ຜ່ານນັ້ນເປີດກວ້າງຊ່ອງຂໍ້ມູນກ່ຽວກັບພັກກອມມິດຫວຽດນາມ, ປະເທດຊາດ ແລະ ຊາວຫວຽດນາມ ເຖິງເພື່ອນມິດສາກົນ, ເພີ່ມທະວີການພົວພັນລະຫວ່າງວາລະສານພັກກອມມູນິດຂອງສອງປະເທດ.