ຄະນະສະມາຊິກສະພາ ແຫ່ງຊາດແຂວງຕ່າງໆ ພົບປະກັບຜູ້ມີສິດ ເລືອກຕັ້ງ
(ພາບປະກອບ)
(vovworld) – ວັນທີ 7/12, ຄະນະສະມາຊິກສະພາແຫ່ງຊາດ (ສສຊ) ແຂວງຟູ໋ອຽນ, ກວາງຈີ້ ໄດ້ພົບປະກັບຜູ້ມີສິດເລືອກຕັ້ງໃນທ້ອງຖີ່ນ ເພື່ອແຈ້ງກ່ຽວກັບເນື້ອໃນກອງປະຊຸມສະໄໝສາມັນເທື່ອທີ 6 ສະພາແຫ່ງຊາດຫວຽດນາມ ຊຸດທີ 13; ແລະ ຮັບຟັງຄວາມມຸ້ງຫວັງຂອງຜູ້ມີສິດເລືອກຕັ້ງໃນບໍລິເວນແຂວງ. ທີ່ການພົບປະຄັ້ງຕ່າງໆ, ຜູ້ມີສິດເລືອກຕັ້ງເກືອບທັງໝົດໄດ້ສະແດງຄວາມພາກພູມໃຈຕໍ່ຜົນສຳເລັດຂອງກອງປະຊຸມສະໄໝສາມັນເທື່ອທີ 6, ສະພາແຫ່ງຊາດຊຸດທີ 13, ພິເສດແມ່ນເລື່ອງຮັບຮອງເອົາລັດຖະທຳມະນູນແຫ່ງ ສສ ຫວຽດນາມ (ສະບັບປັບປຸງ) ແລະ ມະຕິກ່ຽວກັບການປະຕິບັດລັດຖະທຳມະນູນ; ກົດໝາຍວ່າດ້ວຍທີ່ດິນ (ສະບັບປັບປຸງ)... ສ່ວນຜູ້ມີສິດເລືອກຕັ້ງ ແຂວງຟູ່ອຽນ ປະກອບຄວາມເຫັນກ່ຽວກັບລາຄາຊົດເຊີຍທີ່ດິນບໍ່ທັນເໝາະສົມ, ແລະ ສະເໜີເພີ່ມທະວີການຊ່ວຍເຫຼືອບັນດາຄອບຄົວນະໂຍບາຍ, ເປົ້າໝາຍປະຕິວັດ, ຜູ້ມີອາຍຸສູງ... ຢູ່ແຂວງກວາງຈີ້, ຜູ້ມີສິດເລືອກຕັ້ງສະແດງຄວາມປາຖະໜາວ່າ, ເມື່ອມີໂຄງການຍົກຍ້າຍປະຊາຊົນ, ລັດຄວນກໍ່ສ້າງເຂດຕັ້ງຖີ່ນຖານຄົງທີ່ຢ່າງສົມບຸນ, ເຊິ່ງລວມມີ “ໄຟຟ້າ, ທາງຄົມມະນາຄົມ, ໂຮງຮຽນ, ສຸກສາລາ“, ວາງແຜນເຂດທຳການຜະລິດ ກ່ອນທີ່ຈະຍົກຍ້າຍປະຊາຊົນ... ຄະນະສະມາຊິກສະພາແຫ່ງຊາດ ແຂວງຟູ໋ອຽນ, ກວາງຈີ້ ໄດ້ສະເໜີໃຫ້ການນຳບັນດາພະແນກ, ຂະແໜງການ ແລະ ອຳນາດການປົກຄອງທຸກຂັ້ນຕອບຄຳເຫັນຂອງຜູ້ມີສິດເລືອກຕັ້ງ ເພື່ອໃຫ້ເຂົາເຈົ້າມີຄວາມເຂົ້າໃຈແຈ້ງກວ່າ, ພ້ອມທັງລວບລວມເອົາເພື່ອຍື່ນຕໍ່ສະພາແຫ່ງຊາດ.