ຄະນະສະມາຊິກສະພາແຫ່ງຊາດ ນະຄອນ ເກີນເທີ ລົງພົບປະກັບຜູ້ມີສິດເລືອກຕັ້ງ
ຜູ້ມີສິດເລືອກຕັ້ງປະກອບຄຳເຫັນ
(ພາບປະກອບ)
(vovworld) – ເພື່ອກະກຽມໃຫ້ກອງປະຊຸມສະໄໝສາມັນເທື່ອທີ 6, ສະພາແຫ່ງຊາດ ຫວຽດນາມ ຊຸດທີ 13, ຕອນເຊົ້າວັນທີ 24/9, ທ່ານ ເລຮົ່ງແອງ, ກຳມະການກົມການເມືອງ, ຜູ້ປະຈຳການຄະນະເລຂາສູນກາງພັກ, ພ້ອມກັບບັນດາສະມາຊິກສະພາແຫ່ງຊາດນະຄອນ ເກີນເທີ, ມີການພົບປະກັບຜູ້ມີສິດເລືອກຕັ້ງ 200 ຄົນເຊິ່ງແມ່ນພະນັກງານ, ລັດຖະກອນ ແລະ ຜູ້ຕາງໜ້າບັນດາສາສະໜາໃນບໍລິເວນ ເມືອງ ຫວີ້ງແທ້ງ. ຜູ້ມີສິດເລືອກຕັ້ງສ່ວນຫຼາຍເມືອງ ຫວີງແທ້ງ ລ້ວນແຕ່ຕີລາຄາສູງຄວາມຮັບຜິດຊອບຂອງສະມາຊິກສະພາແຫ່ງຊາດ ແລະ ເຫັນດີເປັນເອກະສັນຢ່າງສູງດ້ວຍໝາກຜົນຂອງກອງປະຊຸມສະໄໝສາມັນເທື່ອທີ 5 ສະພາແຫ່ງຊາດຫວຽດນາມຊຸດທີ 13. ພິເສດ, ບັນດາຂໍ້ສະເໜີແນະຂອງຜູ້ມີສິດເລືອກຕັ້ງທີ່ຖືກສະມາຊິກສະພາແຫ່ງຊາດ ສົ່ງເຖິງກອງປະຊຸມລ້ວນແຕ່ໄດ້ຮັບການແກ້ໄຂ. ທີ່ການພົບປະ, ບັນດາຜູ້ມີສິດເລືອກຕັ້ງສະເໜີໃຫ້ບັນດາຂະແໜງການທີ່ກ່ຽວຂ້ອງຄວນລົງທຶນ, ຍູ້ໄວຄວາມຄືບໜ້າໃນການກໍ່ສ້າງທາງຄົມມະນາຄົມຊົນນະບົດ, ໃຫ້ບຸລິມະສິດແຫຼ່ງທຶນສຳລັບພື້ນຖານໂຄງລ່າງຢູ່ທ້ອງຖິ່ນ. ຜູ້ມີສິດເລືອກຕັ້ງກໍ່ປາດຖາໜາວ່າ: ລັດມີແຜນນະໂຍບາຍລະອຽດ, ແທດຈິງໃນການເກັບຊື້ເຂົ້າສານຊົ່ວຄາວ, ຄວນມີມາດຕະການສ້າງຄວາມເປັນປົກກະຕິດ້ານລາຄາວັດຖຸກະສິກຳ...