(vovworld) – ເພື່ອກະກຽມໃຫ້ກອງປະຊຸມສະໄໝສາມັນເທື່ອທີ 11, ສະພາແຫ່ງຊາດຫວຽດນາມ ຊຸດທີ 13, ຄະນະສະມາຊິກສະພາແຫ່ງຊາດ ທ້ອງຖິ່ນຕ່າງໆ ໄດ້ຈັດການພົບປະກັບຜູ້ມີສິດເລືອກຕັ້ງ ເພື່ອແຈ້ງໃຫ້ຜູ້ມີສິດເລືອກຕັ້ງຮັບຊາບກ່ຽວກັບໝາກຜົນການເຄື່ອນໄຫວຂອງຄະນະ, ການຄາດຄະເນເນື້ອໃນລາຍການຂອງກອງປະຊຸມ ແລະ ຮັບເອົາຄຳເຫັນຂອງຜູ້ມີສິດເລືອກຕັ້ງທີ່ສະເໜີຕໍ່ສະພາແຫ່ງຊາດ.
ໃນລະຫວ່າງວັນທີ 08 – 11/03, ຄະນະສະມາຊິກສະພາແຫ່ງຊາດແຂວງ ລາວກາຍ ໄດ້ປະຕິບັດລາຍການພົບປະກັບຜູ້ມີສິດເລືອກຕັ້ງ ຢູ່ບັນດາເມືອງ: ຊາປາ, ບ໋າດຊາດ, ບັ໋ກຮ່າ ແລະ ເມື່ອງເຄືອງ. ກ່າວຄຳເຫັນທີ່ບັນດາການພົບປະ, ທ່ານ ຢ່າງແຊວຟື, ລັດຖະມົນຕີ, ຫົວໜ້າຄະນະກຳມະການຊົນເຜົ່າ ໄດ້ຕາງໜ້າໃຫ້ຄະນະສະມາຊິກສະພາແຫ່ງຊາດແຂວງ ລາວກາຍ ຮັບຮູ້ບັນດາຄຳເຫັນ, ຂໍ້ສະເໜີແນະຂອງຜູ້ມີສິດເລືອກຕັ້ງ ແລະ ຢືນຢັນວ່າ, ບັນຫາທີ່ຜູ້ມີສິດເລືອກຕັ້ງຢູ່ທ້ອງຖິ່ນຕ່າງໆສະເໜີກ່ຽວຂ້ອງເຖິງຂົງເຂດທີ່ດິນ, ພື້ນຖານໂຄງລ່າງ, ວຽກງານກໍ່ສ້າງຊົນນະບົດໃໝ່… ຕ້ອງໄດ້ຮັບການແກ້ໄຂຈາກຂັ້ນເມືອງ, ແຂວງ. ສຳລັບບັນດາຄຳເຫັນ, ຂໍ້ສະເໜີແນະຂອງຜູ້ມີສິດເລືອກຕັ້ງທີ່ຂຶ້ນກັບສິດອຳນາດຂອງສູນກາງ, ຄະນະສະມາຊິກສະພາແຫ່ງຊາດແຂວງ ຈະລວບລວມ ສົ່ງເຖິງບັນດາອົງການທີ່ກ່ຽວຂ້ອງ ແລະ ສະພາແຫ່ງຊາດພິຈາລະນາ, ແກ້ໄຂ.
ແລະກໍໃນລະຫວ່າງວັນທີ 08 – 11/03, ຄະນະສະມາຊິກສະພາແຫ່ງຊາດແຂວງ ຈ່າວິງ ກໍໄດ້ຈັດການພົບປະກັບຜູ້ມີສິດເລືອກຕັ້ງຢູ່ 6 ເມືອງໃນບໍລິເວັນແຂວງ ເພື່ອຮັບເອົາຄຳເຫັນຂອງຜູ້ມີສິດເລືອກຕັ້ງກ່ອນດຳເນີນກອງປະຊຸມສະໄໝສາມັນເທື່ອທີ 11, ສະພາແຫ່ງຊາດຫວຽດນາມ ຊຸດທີ 13.